निवडणूक हरणारी कुटुंबे आता जातीच्या नावावर विष पसरवतील. हे लोक असे आहेत जे खुर्चीसाठी कुटुंबासोबत लढतील असा निशाणा पंतप्रधान नरेंद्र मोदी (PM Narendra Modi) यांनी काॅंग्रेसला (Congress) लगावला. १० मार्चला भाजपच्या बंपर विजयासह पहिली होळी साजरी केली जाईल असा विश्वासही त्यांनी व्यक्त केला. आज ते उत्तर प्रदेशातील UP Election 2022) हरदोई (Hardoi) येथे प्रचारा दरम्यान बोलत होते.

पंतप्रधान नरेंद्र मोदी यांनी काॅंग्रेस कुटुंबावर घणाघात केला. यावेळी ते जनतेला संबोधताना म्हणाले, उत्तर प्रदेशचा विकास हा देशाचा विकास. सत्तेसाठी हे कुटुंब कोणत्याही थराला जाऊ शकते. हे लोक कोणत्याही जाती किंवा समाजाचे असू शकत नाहीत असे टीकास्त्र मोंदीनी सोडले.

उत्तर प्रदेशात तुम्ही ज्या दुहेरी इंजिन सरकारला आशीर्वाद देऊन निवडून आणलात ते सरकार कोणत्याही कुटुंबाचे नाही. दिल्लीतील भारत सरकार हे कोणत्याही एका कुटुंबाचे सरकार नाही. असा टोला त्यांनी लगावला.

ते म्हणाले, १० मार्चला भाजपच्या बंपर विजयासह पहिली होळी साजरी केली जाईल. हे करायचे असेल तर मतदान केंद्रांवर तयारी करावी लागेल असे आवाहन जनतेला मोंदीनी केले.

उत्तर प्रदेशमध्ये ५ वर्षांपूर्वी माफियांनी काय अवस्था केली हे आठवतय का? याठिकाणी व्यापारी धंदा करायला घाबरत होते. विरोधकांनी कट्टा आणि सत्तेला मोकळीक दिली होती हे हरदोईच्या जनतेने पाहिले आहे असेही नरेंद्र मोदी म्हणाले.