जर तुम्ही चाट प्रेमी असाल आणि तुम्हाला वेगवेगळे चाट खाण्याची सवय असेल तर ही रेसिपी तुम्ही नक्की ट्राय केली पाहिजे. तुम्ही तयार करत असलेल्या पदार्थांच्या यादीत ही रेसिपी नक्कीच टाकली पाहिजे. सायंकाळी किंवा कधीही भूक लागेल तेव्हा ही चाट रेसिपीचा आस्वाद तुम्ही घेऊ शकता. (chana boondi chaat recipe)

प्रोटीनने समृद्ध असणारी ही रेसिपी तयार करण्यासाठी तुम्हाला काळे हरभरे, कांदा, टोमॅटो, कच्चा आंबा, हिरवी मिरची, बुंदी आणि मूठभर मसाले याची आवश्यकता असणार आहे. हे सर्व घटक एकत्र करुन एक स्वादिष्ट चाट रेसिपी घरीच अगदी सहजरित्या बनवता येते. सर्वांना ही रेसिपी नक्कीच आवडेल अशी आहे.

बुंदीसोबत उकडलेले काळे हरभऱ्यांचे मिश्रण हे कॉंम्बिनेशन अनेकांना आवडणारे आहे. ही चाट रेसिपी पिकनिक, किटी पार्टी किंवा संध्याकाळच्या स्नॅकसाठी बनवता येते. तसेच गरमागरम चहासोबतही तुम्ही ही रेसिपी सर्व्ह करुन खाऊ शकता. जाणून घेऊया ही रेसिपी कशी बनवायची..

काळा हरभरे-बुंदी चाट बनवण्यासाठी साहित्य -

• 1 ते 1/2 कप उकडलेले काळे चणे

• 2 हिरव्या मिरच्या चिरलेल्या

• 1 टीस्पून धने पावडर

• 1 ते 1/2 टीस्पून जिरे पावडर

• 1 टीस्पून वाळलेल्या कैरी पावडर

• आवश्यकतेनुसार मीठ

• 1 मध्यम कांदा

• 1 मध्यम कच्चा आंबा

• 40 ग्रॅम बुंदी

• 1 टीस्पून जिरे

• 1 टीस्पून व्हर्जिन ऑलिव्ह ऑइल

• 1 ते 1/2 टीस्पून लाल तिखट

• 1/4 टीस्पून काळे मीठ

• 1 टीस्पून कोथिंबीर पाने

• 1 टेबलस्पून लिंबाचा रस

• 1 मध्यम टोमॅटो

• आवश्यकतेनुसार चाट मसाला पावडर

• आवश्यकतेनुसार लसूण

काळे हरभरे-बुंदी चाट कसा बनवावा?

एका नॉन-स्टिक कढईत तेल गरम करून घ्यावे. त्यात जिरे, चिरलेली हिरवी मिरची घालून शिजवा. तसेच उकडलेले काळे हरभरे घालून मंद आचेवर हलकेच भाजून घ्या. त्यानंतर त्यात धने पावडर, लाल तिखट, भाजलेले जिरे पावडर, काळे मीठ आणि कैरी पावडर घालून मंद आचेवर भाजून घ्या. चिरलेली कोथिंबीर मीठ घालून मिक्स करा. एका भांड्यात हरभरा आणि बुंदीचे मिश्रण काढा. त्यावर लिंबाचा रस, कांदा, टोमॅटो, कच्चा आंबा, चाट मसाला आणि बुंदी टाका. आता तुमची स्वादिष्ट चाट रेसिपी डिश सर्व्हिंगसाठी तयार आहे.