Coconut Pineapple Burfi Recipe: सणासुदीला लोक बाहेरून मिठाई आणतात आणि खातात. आता पुढील महिन्यात नवरात्र आणि दिवाळी आहे. सर्वत्र स्वच्छता झाली की गोड पदार्थ बनवायाला लागतील. यंदा बाहेरून मिठाई न आणता घरीच कोकोनट पाईनपॅल बर्फी बनवू शकता. ही बर्फी चवीला एकदम स्वादिष्ट आणि बनवायलाही खूप सोपी आहे. चला तर मग जाणून घेऊया कोकोनट पाईनपॅल बर्फी कशी बनवायची.

कोकोनट पाईनपॅल बर्फी बनवण्यासाठी लागणारे साहित्य

२ वाट्या खोवलेले नारळ

अर्धी वाटी पाईनपॅल ज्यूस

अर्धी वाटी साखर

३ थेंब पाईनपॅल एस्सेन्स

४ चमचे साजूक तूप

चांदीचा वर्ख

कोकोनट पाईनपॅल बर्फी बनवण्याची कृती

गॅसवर कढई ठेवावी.

कढई गरम झाली की त्यात साजूक तूप घाला.

खोवलेला नारळ घालावा.

मिश्रण चांगले गुलबट रंगावर परतून घ्या.

त्यात साखर पाईनपॅल ज्यूस आणि एस्सेन्स घालून मिश्रण चांगले कोरडे होईपर्यंत परतून घ्या.

मिश्रण कढईतून सुटू लागले की, एका ताटाला तूप लावून घ्या.

त्यामध्ये हे मिश्रण काढा.

पूर्ण थंड झाले की चांदीचा वर्ख लावा व हव्या त्या आकाराच्या वड्या पाडाव्या.