सकाळ साप्ताहिक-

रेखा नाबर

सकाळी नाश्त्यात पौष्टिक पदार्थ खाणे आरोग्यासाठी फायदेशीर असते. पण रोज नाश्त्यात काय बनवावे हा प्रश्न महिलांना असतो. आज आम्ही तुम्हाला मूग, मटकी आणि बटाट्याचा वापर करून कटलेट कसे बनवतात हे सांगणार आहोत.

मूग, मटकी, ज्वारी, नाचणीमध्ये आरोग्यदायी घटक असतात. जर तुमच्या घरात लहान मुले असे पदार्थ खात नसतील तर तुम्ही कटलेट बनवू शकता. हे कटलेट बनवणे सोपे असून चवदार देखील आहे. चला तर मग जाणून घेऊयाकटलेट बनवण्यासाठी कोणते साहित्य लागते आणि बनवण्याची कृती काय आहे.

बहुगुणी कटलेट बनवण्यासाठी लागणारे साहित्य

तीन मध्यम आकाराचे उकडलेले बटाटे

मूग

मटकी

२ वाट्या कोबी व गाजर कीस

२ टेबलस्पून पेस्ट (लसूण, मिरची, कोथिंबीर,आले)

१ वाटी नाचणी पीठ

१ वाटी ज्वारी पीठ

२ टेबलस्पून धणे जिरे पूड

सैंधव

गूळ

बारीक रवा

तेल

बहुगुणी कटलेट बनवण्याची कृती

बहुगुणी कटलेट बनवण्यासाठी सर्वात आधी बटाटे सोलून परातीत त्याचा लगदा करावा.

नाचणी व ज्वारीच्या पीठात मटकी, भिजवलेले मूग, किस, पेस्ट, धणे जिरे पूड, सैंधव, किंचित गूळ घालून व्यवस्थित मळून घ्यावे.

कटलेट थापून, बारीक रव्यात घोळवून फ्रायपॅनला तेल लावून दोन बाजूंनी खरपूस भाजून घ्यावे.

टोमॅटो सॉस बरोबर सर्व्ह करावे.