Makhana Uttapam Recipe: सकाळी नाश्त्यात काय बनवावे हा प्रश्न सर्वांना रोज पडत असतो. सकाळी नाश्ता केल्याने दिवसभर थकवा जाणवत नाही. यामुळे सकाळी काही तरी पौष्टिक आणि चवदार पदार्थ बनवायचा असेल तर तुम्ही मखाणा उत्तपा बनवू शकता. हा पदार्थ बनवणे सोपी असून चवदार देखील आहे. तुम्ही मुलांना टिफीनमध्ये देखील बनवून देऊ शकता. चला तर मग जाणून घेऊया बनवण्याची सोपी पद्धत कोणती आहे.

उत्तपा बनवण्यासाठी लागणारे साहित्य

मखाणा

रवा

बारिक चिरलेला कांदा

पोहे

हिरवी मिरची

आलं

लाल-पिवळी सिमला मिरची

मीठ

कोथिंबीर

दही

पाणी

उत्तपा बनवण्याची कृती

उत्तपा बनवण्यासाठी सर्वात पहिले मखाणा, पोहे आणि रवा मिक्स करावे. नंतर त्यात दही आणि पाणी टाकून चांगले मिक्स करावे आणि अर्धा तास तसेच ठेवावे. नंतर मिक्सरमध्ये हे मिश्रण टाकावे, त्यात हिरवी मिरची, मीठ, आल टाकून चांगले बारिक करून घ्यावे. हे सारण मोठ्या भांड्यात काढावे नंतर त्यात बारिक चिरलेली पिवळी-हिरवी शिमला मिरची टाकावी आणि चांगले मिक्स करावे. नंतर तवा गरम करून त्यावर गोलाकार उत्तप्पा तयार करून घ्यावे. टोमॅटो सॉससोबत या उत्तप्याचा आस्वाद घेऊ शकता.