Paneer Kulcha Recipe: रविवारी घरातील सर्व सदस्यांना सुट्टी असल्याने घरी असतात. यामुळे नाश्त्यात काही तरी खास पदार्थ खाण्याची इच्छा असते. रविवार खास बनवायचा असेल तर तुम्ही पनीर कुलचा बनवू शकता. पनीर खाणे आरोग्यासाठी फायदेशीर असते. पनीरमध्ये अनेक पोषक घटक असतात. पनीरचा कुलचा बनवने सोपे असून चवदार देखील असते. चला तर मग जाणून घेऊया पनीर कुलचा बनवण्याची सोपी पद्धत काय आहे.

पनीर कुलचा बनवण्यासाठी लागणारे साहित्य

पनीर

मैदा

बेकिंग सोडा

तेल

दही

हिरवी मिरची

कोथिंबीर

आमचुर पावडर

लाल तिखट

गरम मसाला

मीठ

आलं-लसूण पेस्ट

पनीर कुलचा बनवण्याची कृती

पनीर कुलचा बनवण्यासाठी सर्वात मैदा, साखर, बेकिंग पावडर ,बेकिंग सोडा, तेल आणि दही घालून पीठ चांगले मळून घ्यावे आणि एक तास झाकून ठेवावे. नंतर पनीर बारिक करून घ्यावे. नंतर त्यात लाल तिखट, बारिक हिरवी मिरची, कोथिंबीर,गरम मसाला, आमचुर पावडर घालून चांगले मिक्स करावे. नंतर या मिश्रणाचा छोटे गोळे करून कुलचा लाटून पनीरचे सारण भरावे. तवा गरम करून कुलचाला पाणी लाऊन भाजावे नंतप तवा उलटा करून भाजावे. दोन्ही बाजून सोनेरी होईपर्यंत भाजून घ्यावे.