तुम्हाला जर रेस्टॉरंटसारखी मटर मशरूम मसालाची चव हवी असेल तर ही खास रेसिपी तुमच्याकरता मटर मशरूम मसाला हा एक असा पदार्थ की जो घरातील मोठ्यांपासून लहान मुलांपर्यंत सर्वांनाच आवडतो.
बहुतेक लोक तर मटार आणि मशरूम खाण्यासाठी रेस्टॉरंटमध्ये जातात, परंतु हा पदार्थ घरी देखील सहज बनवता येतो. मटर मशरूम मसाला घराच्या घरी कसा तयार करायचा याचीच सविस्तर रेसिपी आज आपण या लेखात बघणार आहोत.
साहित्य:
● एक वाटी हिरवे वाटाणे
● एक पाव मशरूम
● तिन बारिक चिरलेले कांदे
● अर्धा वाटी काजू
● अर्धा वाटी दही
● तेल
● अर्धा चमचा गरम मसाला
● दोन तमालपत्र
● एक चमचा लसूण-आले पेस्ट
● एक चमचा लाल मिरची पावडर
● दोन चमचे धने पावडर
● चवीनुसार मीठ
● अर्धा चमचा जिरे पावडर
● थोडीशी कसुरी मेथी
कृती:
सर्व प्रथम एका पातेल्यात मध्यम आचेवर पाणी उकळून त्यात पाच मिनिटे मटार हलके शिजवून घ्यावे.नंतर पुन्हा दुसरे पाणी उकळून त्यात हळद, मीठ टाका आणि मशरूमचे तुकडे टाकावेत.
नंतर ग्रेव्हीची तयारी सुरू करावी त्यासाठी तेलामध्ये काजू ,कांदा हलका तपकिरी होईपर्यंत तळून घ्यावा.नंतर त्यात थोड दही टाकुन यांची मिक्सर मधून बारीक पेस्ट तयार करून घ्यावी.
नंतर आलं-लसूण पेस्ट घालून दोन मिनिटे परतून घ्यावे. लाल तिखट, धनेपूड आणि मीठ घालून एक मिनिट शिजवावे. नंतर त्यात तळलेली पेस्ट घाला, 10 मिनिटे शिजवा आणि त्यानंतर कसुरी मेथी, मटार आणि मशरूम घाला.
पाच मिनिटे शिजवा, गरम मसाला घालावा, आणि हे मिश्रण चांगले मिक्स करावे. अशा पद्धतीने घरच्या घरी अगदी टेस्टी लागणारे मटर मशरूम मसाला तयार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.