- नूपुर पाटील

आपण आज मुलांना आवडणाऱ्या रेसिपीची माहिती घेणार आहोत. व्हेज कटलेटची सोपी रेसिपी असून ते मुलांना नक्कीच आवडतील.

साहित्य -

• २ वाट्या उकडून मॅश केलेले बटाटे.

• १ वाटी उकडलेल्या भाज्या (गाजर, मटार, बीन्स, कॉर्न)

• १/२ वाटी ब्रेडचा चुरा आणि पुरेसा ब्रेड स्लाइस

• १/४ वाटी बारीक चिरलेला कांदा

• १/४ वाटी बारीक चिरलेली कोथिंबीर

• २ चमचा आले-लसूण पेस्ट

• १ चमचा लाल तिखट

• १ चमचा गरम मसाला

• चवीनुसार मीठ

• २ चमचे कॉर्न फ्लोअर

• तळण्यासाठी तेल

कृती -

• एका बाउलमध्ये मॅश केलेले बटाटे, मिक्स केलेल्या उकडलेल्या भाज्या, ब्रेड, कांदे, कोथिंबीर, आले-लसूण पेस्ट, लाल तिखट, गरम मसाला आणि मीठ एकत्र करा. हे मिश्रण एकजीव करून घ्या

• मिश्रणाचे छोटे गोळे करून कटलेटचा आकार द्या.

• एका लहान भांड्यात कॉर्न फ्लोअरमध्ये थोडेसे पाणी मिसळून पेस्ट तयार करा. प्रत्येक कटलेट या पेस्टमध्ये बुडवून त्याला ब्रेड क्रम्ब्समध्ये घोळून घ्या.

• पॅनमध्ये थोडे तेल गरम करा. तेल गरम झाल्यावर कटलेट काळजीपूर्वक पॅनमध्ये सोडून सोनेरी तपकिरी होईपर्यंत तळा.

• तळल्यानंतर जास्तीचे तेल काढून टाकण्यासाठी कटलेट पेपर टॉवेलवर ठेवा.

• टोमॅटो केचप किंवा चटणीसोबत गरमागरम सर्व्ह करा.

तुमच्या मुलांना हे कुरकुरीत आणि स्वादिष्ट व्हेज कटलेट आवडतील.

या निमित्ताने विविध भाज्या मुलांना खायला घालता येतात.