इस्लाम धर्मात रमजान महिन्याला खूप महत्त्व आहे. रमजानच्या या पाक महिन्यात अल्लाहची प्रार्थना केल्याने त्याची दुवा लाभते. त्यामूळे या महिन्याती रोजांना अधिक महत्त्व आहे. त्यामूळेच इतरवेळी नमाज पठण न करणारे लोकही या महिन्यात न विसरता नमाज पढतात आणि उपवास करतात.  

रमजानच्या महिन्यात जवळपास सर्वच मुस्लिमांच्या घरी इफ्तारच्या वेळी स्वादिष्ट आणि रुचकर पदार्थ तयार केले जातात. हे खास पदार्थ खाऊनच रोजाचा उपवास सोडला जातो. अनेक ठिकाणी मोठ्या थाटामाटात इफ्तारी पार्टीचे आयोजही केले जाते.

तूम्हीही पक्के नमाजी असाल आणि रोजे करत असाल. तर तूमच्या आजच्या इफ्तारीची सोय आम्ही केली आहे. होय, आज आम्ही तूम्हाला एका खास पदार्थाबद्दल सांगणार आहोत. ज्या पदार्थामूळे तूमची दिवसभराची भूकही भागेल आणि तूम्हाला वेगळा पदार्थ टेस्ट करायला मिळेल.

साहीत्य

४ अंडी उकडून, २ कप बेसन, ४ चमचे रवा, १ चमचा लाल मिरची पावडर, १ टीस्पून चवीनुसार हळद, मीठ, १ चमचा ओवा, बारीक चिरलेली कोथिंबीर, पकोडे तळण्यासाठी तेल,

कृती

पकोडे बनवण्याची पद्धत यासाठी एका भांड्यात बेसन, रवा आणि सर्व मसाले घालून चांगले मिक्स करून घ्या. आता त्यात कोमट पाणी घालून पेस्ट तयार करा आणि १० मिनिटे ठेवा. दुसरीकडे एका भांड्यात अंडी उकडायला ठेवा.

अंडी उकडल्यानंतर त्याचे मधून दोन भाग करा. त्यानंतर त्यात मीठ आणि मिरची पूड घाला. आता तेल मंद आचेवर गरम करण्यासाठी ठेवा आणि गरम झाल्यावर गॅस बारीक करा.

बेसनाच्या मिश्रणात अर्धे केलेले अंड्याचे काप टाका. ते तेलात चांगले टाकून सोनेरी होईपर्यंत तळा. अंडी दोन्ही बाजूंनी तळून झाल्यावर प्लेटमध्ये काढून घ्या. आणि त्यासोबत हिरवी चटणी सर्व्ह करा.