शाकाहारी लोकांची पहिली पसंती नेहमी पनीरच असते. यापासून अनेक पदार्थ तयार केले जातात. पनीरचा कोणताही पदार्थ असो शाकाहारी खवय्ये चांगलाच ताव मारतात. पनीर आरोग्यासाठी खूप फायदेशीर आहे. दुधापासून बनवलेल्या पनीरमध्ये अनेक प्रकारचे पोषक घटक असतात.

कोणताही सण असो वा शाकाहारी पाहुण्याचें घरी स्वागत असेल तर पनीरचा बेत ठरलेला असतो. शाही पनीर, मटर पनीर आणि पनीर मसाला यांसारखे अनेक पनीर पदार्थ तयार करतो. पण बदलत्या युगानुसार यामध्ये आणखी व्हरायटी अॅड झाल्या आहेत. लोक रोल, पकोडे किंवा पनीर मोमोज मोठ्या उत्साहाने खाताना दिसतात.

पनीरचे पदार्थ आरोग्यासाठी किती फायदेशीर आहेत हे महिलांना माहीत आहे. त्यामुळे आठवड्यातून दोनदा का होईना पनीरचे पदार्थ घरी बनतातच. कधी शाही पनीर तर कधी पनीर भूर्जी तयार केली जाते. पण पनीर भूर्जी बनवताना अनेक चुका होत असतात. त्यामुळ होणाऱ्या चुका टाळण्यासाठी आणि स्वादिष्ट पनीर भूर्जी बनवण्यासाठी काही टिप्स आम्ही तुम्हाला सांगणार आहोत.

ताज्या पनीरचा करा वापर

पनीर भूर्जी चविष्ट बनवण्यासाठी पनीर ताजं आणि चवीला चांगली असणे महत्त्वाचे आहे. कधीकधी साठवलेल्या पनीरची चव आंबट होते. अशा स्थितीत पनीरच्या टेक्सचरकडे लक्ष देणं गरजेचं आहे, पण जर तुम्ही त्याकडे लक्ष दिलं नाही तर तुम्हाला अनेक समस्यांना सामोरे जावे लागू शकते.

काही महिला घरीच पनीर बनवण्याला पसंती देतात. त्यासाठी लिंबाचा रस, व्हिनेगर किंवा दही यासारख्या ऍसिडचा वापर करतात. पण याचे प्रमाण मर्यादीत असणं गरजेचं आहे.

बारीक चिरलेल्या भाज्या वापरा

भूर्जी बनवताना पनीर खिसाव लागतं. त्यामुळं यामध्ये भाज्या चिरताना त्यांच्या आकाराकडे लक्ष देणं गरजेचं असतं. भूर्जीसाठी भाजी खूप बारीक चिरलेली लागते. असं केल्यानं पनीर आणि घातलेल्या भाज्या वेगवेगळ्या दिसणार नाहीत.

तेलाचं प्रमाण लक्षात घ्या

पनीर जास्त असतं म्हणून अनेकदा महिला तेल जास्त वापरण्याकडे अधिक कलतात. पण भूर्जी करताना लक्षात घ्या की, खिसलेलं पनीर शिजल्यानंतर खुपच कमी दिसतं आणि तेल जास्त दिसतं. त्यामुंळं तेलाचा वापर करताना अंदाज घेण महत्त्वाच ठरतं.

दह्याचा वापर करा

ग्रेव्हीमध्ये दही किंवा मलई वापरली जाते असे अनेकांना वाटते. पण तसं नाही, जेवणाची चव वाढवण्यासाठीदेखील तुम्ही दही वापरू शकता. भुर्जीची चव वाढवण्यासाठी दही वापरा.

कसुरी मेथी

कसुरी मेथी वापरा, ज्यामुळे केवळ चवच नाही तर सुगंध देखील वाढेल. कसुरी मेथी दोन प्रकारे घालता येते, भाजी तयार करताना आणि दुसरी सर्व्ह करताना.