पावसाळा सुरु झाला की गृहिणींना प्रश्न पडतो की घरातील सदस्यांनी पौष्टिक गोष्टी कशा खाऊ घालायव्यात? याच प्रश्नाचं उत्तर शोधण्याचा आम्ही प्रयत्न करणार आहोत. चला तर मग आज बघूया नकोसा असलेला भोपाळा चविष्ट करुन खायचा कसा ते. चविष्ट प्रकारची दुधी भोपळ्याची खीर कशी तयार करायची? (Dudhi Bhopla Kheer)

दुधी भोपळ्याच्या खीरीसाठी लागणारे साहित्य:

1) अर्धा किलोचा दुधी भोपळा

2) एक लिटर कोरं दूध

3) एक चमचा तूप

4) एक ते दोन चमचा गव्हाचे भाजलेले पिठं

5) साखर (आपल्या आवडीनुसार)

6) काजू, बदाम, पिस्ते यांचे बारीक काप

7) वेलची पावडर

8) केशर

कृती :

• सर्वप्रथम भोपळा स्वच्छ धूवून पुसून घ्यावा. नंतर भोपळा किसणीवर चांगला किसून बारीक करावा. पुढे भोपळ्याच्या किसाला १ ते २ चमचे भाजलेलं पिठ लावून त्याच्या प्रेशर कुकरमध्ये ३ शिट्ट्या काढून घ्याव्यात.

• कुकर थंड झाल्यावर त्यातील वाफाळलेला भोपळयांचा किस काढून घ्यावा. तो किस पातेल्यात टाकून त्यात कोरं दूध घालून गॅसवर ठेवावा.

• भोपळ्याचा किस घातलेल्या दुधाला चांगली उकळी आली की मग त्यात तुमच्या आवडीनुसार साखर घालावी. नंतर विलायची पावडर, केशर, काजू, बदाम व पिस्ते काप टाकावे.

• (भोपळा जर लालसर असला तर मग केशर घालायची गरज नाही) खीरीला दुसरी उकळी येईपर्यंत चांगल ढवळत राहावं आणि खीर (Dudhi Bhopla Kheer)खाली लागणार नाही याची काळजी घ्यावी.