-नीलकमल राऊत-सोनकुसरे

साहित्य :

• ओली हळद १ कप

• मोहरी २ छोटे चमचा

• मेथी १ छोटे चमचा

• लिंबू ३

• तिखट २ चमचा

• साखर ३ चमचा

• सोप १ चमचा

• मीठ व हिंग चवीनुसार

कृती :

सर्वप्रथम ओली हळद स्वच्छ धुवावी. हळदीचे लहान व लांब लांब काप करावे. त्यामध्ये मीठ साखर व लिंबूरस टाकावा. त्यानंतर गॅसवर कढईत मोहरी तडतडेपर्यंत भाजावे. त्यामध्ये मेथी व सोप टाकावी. त्याची मिक्सरमध्ये पुड तयार करावी. तेल गरम करुन गार करावे. त्यामध्ये रेडिमेड लोणचे मसाला व आपण तयार झालेला मसाला तेलात घाला. गार झाल्यावर हळद मध्ये ओता. नीट कालवून काचेच्या बरणीत भरा. दुसऱ्या दिवसापासून हे लोणचे खाता येईल असे चविष्ट हळदीचे लोणचे तयार. हळदीचे लोणचे खूपच अप्रतिम लागते. हे लोणचे आरोग्यदायी व गुणकारी आहे.