सेंट्रल मेक्सिकोत गोळीबारात १९ जणांचा मृत्यू झालाय. रविवारी रात्री साडेदहा वाजता ही घटना घडली. गोळीबार कसा झाला याबाबत अजुनही माहुती मिळू शकली नाही. टाऊन ऑफ लास-टिनाजास इथे एका उत्सवासाठी हजर असलेल्या लोकांवर हा गोळीबार झाला. यात १६ पुरुष आणि ३ महिलांचा मृत्यू झालाय.

या हल्ल्यात अनेकजण जखमी असून त्यांना हॉस्पीटलमध्ये हलवण्यात आलंय. मिचोकॅन, ग्वानाहोटो ही दोन राज्यात मोठ्या प्रमाणात गुन्हेगारी राज्य आहे. या राज्यात अंमली पदार्थ तस्करी आणि इतर बेकायदेशीर धंदे मोठ्या प्रमाणात होते. त्यामुळे इथे टोळीयुद्ध होत असतात. ज्या ठीकाणी हि घटना घडली तिथेदेखील मोठ्या प्रमाणात टोळीयु्द्ध सुरु असतं. २००६ पासून मेक्सिको सरकारने फेडरल सैंन्यांबरोबर अंमलीपदार्थ तस्करीविरोधात कारवाया सुरु केल्या आहेत. तेव्हापासून या राज्यांमध्ये ३ लाख चाळीस हजार खून झाले असून,गुन्हेगारी टोळीयुद्धातून हे खून झाले आहेत.