वेलिंग्टन : न्यूझीलंडच्या कर्माडेक बेटावर (Kermadec Islands) आज (गुरुवार) भूकंपाचे (Earthquake In New Zealand) जोरदार धक्के जाणवले. रिश्टर स्केलवर भूकंपाची तीव्रता 7.1 मोजण्यात आली आहे.

भूकंपाच्या धक्क्यांनंतर जवळपासच्या बेटांना सुनामीचा इशारा देण्यात आला आहे. भूकंपाचं केंद्र जमिनीपासून 10 किलोमीटर अंतरावर असल्याचं सांगण्यात येत आहे.

यूएस जिओलॉजिकल सर्व्हेनुसार, भूकंपाचा केंद्रबिंदू जमिनीपासून 10 किलोमीटर खोलीवर होता. त्याच वेळी, 300 किमीच्या परिघात येणाऱ्या बेटांसाठी यूएस त्सुनामी वॉर्निंग सिस्टमनं सुनामीचा इशारा जारी केला आहे.

दुसरीकडं, राष्ट्रीय आपत्कालीन व्यवस्थापन संस्थेनं म्हटलंय, 'भूकंपाच्या जोरदार धक्क्यांनंतर न्यूझीलंडला सुनामीचा धोका नाही.' न्यूझीलंडमध्ये दरवर्षी हजारो भूकंप होत असतात.