अमेरिकेत एका व्यक्तीने एका कॅफेमध्ये एक हजार रुपयांचे फुड खाल्ले पण जेव्हा टीप देण्याची वेळ आली तेव्हा तर या व्यक्तीने एका महिला वेटरला चक्क 2.5 लाख रुपयांची टीप दिली, तुम्हाला वाटेल हे कसं शक्य आहे पण हे खरंय. ही टीप जेवणाच्या किंमतीपेक्षा कितीतरी पटीने जास्त असल्याने चर्चेचा विषय ठरली. सध्या हे प्रकरण सोशल मीडियावर प्रचंड व्हायरल होतंय.

महिला वेटरने कदाचित स्वप्नातही विचार केला नसेल की तिली एवढी मोठी टीप मिळेल. एवढी मोठी टीप मिळाल्याने महिलेला आनंदाचा धक्का बसलाय.

काय आहे संपूर्ण प्रकरण?

मैरिआना लैंबर्ट (Marianna Lambert) नावाची हि महिला अमेरिकेतील अल्फ्रेडो पिझ्झा कॅफेमध्ये काम करते. लोकांना जेवण सर्व्ह करणे आणि त्यानंतर त्यांना बिले देणे हे तिचे काम आहे. पण नुकतेच तिच्यासोबत असे काही घडले ज्यावर तिचा विश्वास बसला नाही. या कॅफेमध्ये एका व्यक्तीने येऊन एक हजार रुपयांचे फूड खाल्ले पण मारियानाने जेव्हा या व्यक्तीला बिल दिले तेव्हा तिचे नशीबच चमकले.

2 लाख 39 हजार रुपयांची टीप

या व्यक्तीनेमैरिआना लैंबर्टला 2 लाख 39 हजार रुपयांची टीप दिली. मैरिआनाला अजूनही विश्वास बसत नाही की तिच्यासोबत असे काही घडले आहे. या कॅफेमध्ये काम करणारे सर्व कर्मचाऱ्यांनाही आश्चर्य वाटले.खरं तर या महिलेचे नशीब एका रात्रीत बदलले.