नवी दिल्ली- २०२३ मध्ये लास वेगसमध्ये एलियन दिसल्याचा दावा करण्यात आला होता. याप्रकरणी एक व्हिडिओ देखील समोर आणण्यात आला होता. व्हिडिओ खोटा असेल असं अनेकांना वाटलं होतं, पण, हा व्हिडिओ खरा असल्याचा दावा तज्ज्ञांनी केला आहे. त्यामुळे हा एक कुतूहलाचा विषय ठरला आहे. 'WION' वृत्त संस्थेने यासंदर्भातील बातमी दिली आहे.

सदर प्रकरणाचे अभ्यासक आणि तज्ज्ञ स्कॉट रोडर म्हणाले की, 'तुम्ही हा व्हिडिओ पाहिला तर तुम्ही ते नाकारु शकत नाही. यात इडिटिंग करण्यात आलेली नाही. हा ओरिजिनल व्हिडिओ आहे. व्हिडिओमध्ये काही छेडछाड करण्यात आली आहे का? हे तपासण्यासाठी आम्ही सर्व चाळण्या वापरल्या, पण व्हिडि खरा निघाला. '

व्हिडिओ ३० एप्रिल २०२३ रोजीचा आहे. अँजेल केनोमोरे या तरुणाने हा व्हिडिओ शूट केला आहे. केनमोरेने रात्री ११:५० वाजता ९११ वर पोलिसांना फोन केला होता. आकाशात उडणारी काही वस्तू पाहिल्याचा त्याने दावा केला होता. अमेरिकन मेटोर सोसायटीच्या म्हणण्यांनुसार, एक यूएफओ दिसली होती, ज्याचा प्रकाश कॅलिफॉर्नियापर्यंत दिसला होता. केनमोर कुटुंबाने हा भयानक प्रकार अनुभवला. अँजेलने हा व्हिडिओ कॅमेऱ्यामध्ये कैद केला आहे.