नवी दिल्ली- भारतीय वंशाचे असलेले विवेक जी. रामास्वामी यांनी हिंदू धर्मासंबंधी विचारलेल्या प्रश्नावर अप्रतिम उत्तर दिलंय. रामास्वामी हे अमेरिकेत होणाऱ्या राष्ट्राध्यक्षपदाच्या निवडणुकीच्या शर्यतीत सहभागी असलेले उमेदवार आहेत. विचारलेल्या एका प्रश्वावर त्यांनी हिंदू असल्याबाबत समर्थन केले आहे. त्यांनी दिलेल्या उत्तराची चर्चा अमेरिकेसह भारतात होऊ लागली आहे. रामास्वामी एका कार्यक्रमात बोलत होते.

रामास्वामी यांना भारतीय वंशाचे असल्याकारणाने काही प्रश्न विचारण्यात आले. तुम्ही हिंदू वशांचे आहात, तर अमेरिकेमध्ये बहुसंख्य लोक ख्रिश्चन आहेत. यावर रामास्वामी म्हणाले की, 'मी जो आहे तो नाही असा दाखवण्याचा मी प्रयत्न करणार नाही. तसंही मी एक धार्मिक गुरु होण्याच्या शर्यथीत नाही. मला या देशाचा प्रमुख व्हायचं आहे.' त्यांच्या या अप्रतिम उत्तराने सर्वांचेच समाधान झाले. तसेच त्यांच्या या उत्तराची चर्चा आता भारतातही होऊ लागली आहे.

रामास्वामी म्हणाले की, एका सामान्य ख्रिश्चन माणसापेक्षा मला बायबलबाबत जास्त माहिती आहे. रामास्वामी अमेरिकेत होऊ घातलेल्या राष्ट्राध्यक्ष पदाच्या निवडणुकीच्या शर्यतीतील एक उमेदवार आहेत. शुक्रवारी रात्री ते टाऊन हॉल येथे आयोजित एका लाईव्ह शोमध्ये सहभागी झाले होते. ते रिपब्लिकन पक्षाकडून राष्ट्रपतीपदाचे उमेदवार आहेत. कार्यक्रमात विचारलेल्या प्रश्नावर ते म्हणाले होते की, 'देव एकच आहे. आपण सर्व विविध धर्मातून येतो, पण सर्वजण जोडले गेलो आहोत.'

रामास्वामी यांनी चीनबाबत आपली रणनीती काय असेल याबाबत स्पष्टीकरण दिलं. येत्या काळात भारताची अर्थव्यवस्था वाढणार आहे. अशावेळी भारताशी चांगले संबंध प्रस्थापित करुन चीनशी सामना केला जाऊ शकतो. रशियाचे अध्यक्ष पुतिन आणि चिनचे अध्यक्ष क्षी जिनपिंग यांच्यासोबत काम करताना काय रणनीती असेल याबाबतही त्यांनी खुलासा केला. अमेरिकी हितांना प्राथमिकता देण्यात येईल, असं रामास्वामी म्हणाले. दरम्यान, अमेरिकी राष्ट्राध्यक्षपदाच्या निवडणुका लवकरच होणार आहेत. यावेळी रिपब्लिकन पक्षाकडून तीन भारतीय वंशाच्या उमेदवारांना पुढे केले जात आहे. त्यात रामास्वामी यांचाही समावेश आहे.