अमेरिकेतल्या अन्नधान्याच्या महागाईने गेल्या ५० टक्क्यांचा विक्रम मोडला आहे. अशात अमेरिकेतल्या कोलंबिया, मिसौरी, अटलांटा, मिनिसोटा अशा राज्यांमध्ये महागाईचा सामना करण्यासाठी कम्युनिटी फार्मिंगची कल्पना पुढे येत आहे. काय आहे कम्युनिटी फार्मिंग? जाणून घ्या...

या शहरांमधले लोक दिवसातले काही तास शेती करतात. कम्युनिटी फार्मिंगमध्ये लोक आपली शेती किंवा बाग बगिच्यामध्ये भाज्या - फळं लावतात जेणेकरून त्यांच्या रोजच्या गरजा पूर्ण होऊ शकतील. सर्वजण या फार्मिंगमध्ये भागीदार असतात. म्हणजे लावणीपासून उत्पादनापर्यंत सर्वकाही वाटून घेतलं जातं. कम्युनिटी फार्मिंगच्या माध्यमातून उत्पादन वाढतं. वेगवेगळी शेती केल्याने उत्पादन कमी होतं.

घरखर्चामध्ये ४० टक्क्यांपर्यंतची बचत

मिसौरी इथले जोसेफ सांगतात की त्यांनी त्यांच्या शेजाऱ्यांना कम्युनिटी फार्मिंग करताना पाहिलं आणि त्याचे फायदे लक्षात आले. जोसेफ यांना जेव्हा लक्षात आलं की त्यांच्या घरचं महिन्याचं भाजीपाल्याचं खर्च वाढत चालला आहे, तेव्हा त्यांनीही कम्युनिटी फार्मिंगचा पर्याय निवडला. अटलांटाच्या मॅरियन यांनी सांगितलं की कम्युनिटी फार्मिंगसाठी त्यांना २० हजार रुपये मेंबरशिप फी द्यायला लागली. गेल्या ६ महिन्यांपासून त्या कम्युनिटी फार्मिंगच्या मदतीने आपल्या नियमित गरजा भागवत आहे. यामुळे त्यांच्या घरखर्चामध्ये मासिक ४० टक्के बचत होत आहे.

शेतीसाठी लोक बाग किंवा प्लॉटही भाड्याने देतात

न्यूयॉर्कच्या जाहिक अफसर यांनीही कम्युनिटी फार्मिंगचा पर्याय निवडला आहे. जाहिदने कम्युनिटी फार्मिंगला प्रोत्साहन देण्यासाठी प्लांट बायबल ही वेबसाईटही सुरू केली आहे. कम्युनिटी फार्मिंगची वाढती लोकप्रियता पाहता अमेरिकी लोक आता याला बिझनेस मॉडेल म्हणून पाहत आहेत. लोक आपली बाग किंवा प्लॉट कम्युनिटी फार्मिंगसाठी भाड्याने देऊन पैसे कमवत आहेत.

बाजारपेठेवर अवलंबित्व झालं कमी; घरातच सुरू झाली शेती

वॉशिंग्टनच्या अॅलेक्सिया यांनी ८ एकरामध्ये कम्युनिटी फार्मिंगचा व्यवसाय सुरू केला आहे. अॅलेक्सिया सांगतात की, गेल्या ६ महिन्यांपासून त्यांनी बाजारातून भाजीपाला घेतलेला नाही. भाज्या आणि आवश्यक अन्नपदार्थ ते कम्युनिटी फार्मिंगच्या माध्यमातून मिळवतात. हे पदार्थ पॅक्ड फूडपेक्षा चांगले असतात. याशिवाय रोज शेती केल्याने वर्कआऊटही होतो.