China Corona Update : कोरोनाच्या नव्या व्हेरिएंटने चीनमध्ये हाहाकार माजवला आहे. बाधितामुळे चीनमधील रूग्णालये आणि शवागृहे तुडुंब भरली आहेत.

हेही वाचा : जोखीममुक्त व्यवहारांसाठी रिझर्व बँकेचा 'डिजिटल रुपया'

कोरोनामुळे मृत्युमुखी पडलेल्या नागरिकांचे अंत्यसंस्कार करण्यासाठी ठिकठिकाणी लांबच लांब रांग लागल्याचे व्हिडिओ समोर येत आहे. वाढत्या मृत्यूच्या संख्येमुळे अंत्यसंस्कारासाठीदेखील नातेवाईकांना दीर्घकाळ प्रतीक्षा करावी लागत आहे.

सोशल मीडियावर असे अनेक व्हिडिओ पोस्ट केले जात आहेत. ज्यामध्ये नातेवाईक मृतदेह घेऊन रांगेत उभे आहेत. वाढत्या मृत्यूमुळे चीनने मृतांची आकडेवारी मोजणे थांबवल्याचे सांगितले जात आहे.

समोर येत असलेल्या वृत्तानुसार चीनमध्ये दररोज १० लाखांहून अधिक लोकांना कोरोनाची लागण होत आहे. याशिवाय दररोज हजारो जणांचा कोरोनामुळे मृत्यू होत आहे.

दुसरीकडे ही सर्व आकडेवारी खोटी असल्याचा दावा चीन करत आहे. मात्र, सोशल मीडियावरून समोर येत असलेले व्हिडिओमुळे चीनमध्ये कोरोनाने थैमान घतल्याचे उघड होत आहे.

अंत्यसंस्कारासाठी लांबच लांब लागलेल्या रांगेचा आणि भीषणता दाखवणारा हा व्हिडिओ एरिक फीगल-डिंग यांनी शेअर केला आहे.

या व्हिडिओमध्ये अनेक नागरिक प्रियजनांचे मृतदेह अंत्यविधी करण्यासाठी स्ट्रेचरवर ठेऊन तासनतास उभे असल्याचे दिसून येत आहे.

एका आंतरराष्ट्रीय मीडियाच्या रिपोर्टनुसार, चीनमध्ये सुमारे 250 दशलक्ष लोकांना कोरोनाची लागण झाली आहे, परंतु चीनकडून अद्याप कोणतीही अचूक आकडेवारी जाहीर करण्यात आलेली नाही.

वाढत्या बाधितांची आणि मृत्युमुखी पडणाऱ्यांच्या संख्येने चीनमधील सरकारी यंत्रणा पूर्णतः कोलमडून गेली आहे.