हिंदी महासागरात मोठी दुर्घटना घडली आहे. मासेमारी करणारी बोट महासागरात बुडाल्याने ३९ जण बेपत्ता असल्याची माहिती समोर आली आहे. (Chinese fishing vessel capsizes in Indian Ocean 39 onboard missing )

बुडालेल्या बोटीमध्ये 17 चिनी क्रू मेंबर्स व्यतिरिक्त, बोटीमध्ये 17 इंडोनेशियन आणि पाच फिलिपिनो देखील होते. सध्या बेपत्ता लोकांचा शोध सुरू असून, अद्याप कोणतीही माहिती समोर आलेली नाही. (Latest Marathi News)

या घटनेनंतर चीनचे राष्ट्राध्यक्ष शी जिनपिंग यांनी तातडीने बचावकार्य सुरू करण्याचे आदेश दिले. त्यांनी चीनचे कृषी आणि ग्रामीण विकास मंत्रालय, चीनचे वाहतूक मंत्रालय आणि शेडोंग प्रांताला परिस्थितीची तातडीने पडताळणी करण्याचे आदेश दिले. जिनपिंग यांनी आंतरराष्ट्रीय सागरी शोध आणि बचाव पथकांचीही मदत घेतली आहे.(Marathi Tajya Batmya)

तसेच, ऑस्ट्रेलिया आणि इतर देशांच्या बचाव पथकानेही शोध मोहीम सुरु केली आहे. चीनच्या परराष्ट्र मंत्रालयाने ऑस्ट्रेलिया, श्रीलंका, मालदीव, इंडोनेशिया आणि फिलीपिन्समधील संबंधित दूतावासांशी समन्वय साधण्यासाठी आपत्कालीन प्रतिसाद यंत्रणा देखील सुरू केली आहे.