साक्रामेंटो (कॅलिफोर्निया): एका सुपर मार्केटमध्ये एका महिलेने लाखो रुपयांचे साहित्य चाटले आहे. संबंधित महिलेला अटक करण्यात आली आहे, अशी माहिती पोलिसांनी दिली.

पोलिसांनी दिलेल्या माहितीनुसार, जेनिफर वॉकर (वय 53) असे अटक करण्यात आलेल्या महिलेचे नाव आहे. एका सुपर मार्केटमधील 1800 डॉलर्सचे (जवळपास 1.37 लाख रुपये) किराणा व अन्य साहित्य चाटल्यामुळे तिला अटक करण्यात आली असून, पुढील तपास सुरू आहे.

लॉकडाऊनच्या काळात 'ही' वस्तू झाली व्हायरल...

साउथ लेक टाहोई पोलिस विभागाचे प्रवक्ते ख्रिस फिओरे यांनी सांगितले की, 'नेवाडाच्या सीमा लगत असलेल्या सेफवे स्टोरमधून अधिकाऱ्यांना फोन आला होता. एक महिला ग्राहक साहित्य चाटून पुन्हा ठेवत होती. तिला वस्तू खरेदी करायच्या नव्हत्या. तिने आपल्या कार्टमध्ये मांस, दारू व इतर वस्तू भरल्या होत्या. संक्रमणाच्या भितीने सर्व सामान नष्ट करण्यात आल्या आहेत. कोरोना व्हायरसच्या पार्श्वभूमीवर दखल घेतली जात आहे. कोरोना व्हायरसची लागण होऊ नये, म्हणून काळजी घेणे गरजेचे असताना ही महिला साहित्य चाटताना आढळून आली.'

पाकमध्ये तबलिगींमुळे उडालाय हाहाकार...

सेफवेच्या एका कर्मचाऱ्याने सांगितले की, 'संशयित महिलेने आपल्या हातात ज्वेलरी घेतली होती. तिने आधी ज्वेलरी चाटली, इतर साहित्य चाटले आणि त्यानंतर कार्टमध्ये सामान भरले.'

युवती म्हणाली, मी कोरोना पॉझिटिव्ह आणि तो पसरवणार...