ग्रीसमध्ये मोठी दुर्घटना घडली असल्याची माहिती समोर आली आहे. मालगाडीची प्रवासी रेल्वेला धडक झाल्याने भीषण अपघात घडला. या घटनेत १६ जणांचा मृत्यू झाला असून ८५ पेक्षा अधिक जणांचा मृत्यू झाला आहे. सध्या बचावकार्य सुरु आहे.

मिळालेल्या माहितीनुसार, रात्री उशिरा प्रवासी रेल्वे आणि वस्तूंच्या ट्रेनमध्ये टक्कर झाली. हा अपघात खूप भयानक होता, ज्यामुळे बर्‍याच बोगी रुळावरून घसरल्या. तीन बोगींना आग लागली. प्रवासी रेल्वेमध्ये बसलेल्या मोठ्या संख्येने प्रवासी या अपघातात बळी पडले. आतापर्यंत 16 लोकांचे मृतदेह मिळाले आहेत.

मृतांच्या आकड्यात वाढ होण्याची शक्यता वर्तवण्यात येत आहे. तर तर 85 हून अधिक जखमींना तातडीने रुग्णालयात दाखल करण्यात आले आहे. त्यापैकी 25 जणांची स्थिती गंभीर आहे. हा अपघात ग्रीक शहर थायन्सलोनिकी आणि लॅरिसा दरम्यान झाला.

रॉयटर्स या वृत्तसंस्थेने दिलेल्या माहितीनुसार, मंगळवारी रात्री उशिरा प्रवासी रेल्वे थेस्सालोनिकीच्या दिशेने जात असताना सलोनिकीहून लॅरिसाला जाणारी मालवाहू रेल्वे लॅरिसा शहराबाहेर धडकली.

माध्यमांशी बोलताना गव्हर्नर कॉन्स्टँटिनोस अगोरास्टोस म्हणाले की, 'धडक खूप जोरदार होती'. पॅसेंजर ट्रेनचे पहिल्या चार बोगी रुळावरून घसरल्या होत्या, तर पहिल्या दोन बोगी 'जवळपास पूर्णपणे नष्ट' झाल्या. अगोरास्टोस यांनी सांगितले की, सुमारे 250 प्रवाशांना सुरक्षितपणे बाहेर काढण्यात आले आणि त्यांना बसने थेस्सालोनिकीला पाठवण्यात आले.