इस्राइल आणि हमास यांच्यातील युध्दाचा मोठा फटका बसत असल्याचे चित्र आहे. इस्रायली सैन्याने गाझामधील एका शाळेवर हवाई हल्ला केल्याची माहिती समोर आली आहे. या अपघातात 29 जणांचा मृत्यू झाला असून अनेक जण गंभीर जखमी झाले आहेत. एजन्सी एएफपीनुसार, एका आठवड्यात झालेला हा दुसरा हल्ला आहे, ज्यामध्ये शाळेला लक्ष्य करण्यात आले. ज्या शाळेत हा हल्ला झाला तेथे निर्वासितांना ठेवण्यात आले होते.

गेल्या 4 दिवसांपासून निर्वासितांना ठेवण्यात आलेल्या अशा ठिकाणांवर इस्राइल हल्ले करत आहे. इस्राइलमधील शाळा आणि रुग्णालयांवरही हल्ले करत आहे. याआधी शनिवारी इस्रायली लष्कराने गाझामध्ये हवाई हल्ला केला होता. या हल्ल्यात 16 जण ठार तर 75 हून अधिक जखमी झाले होते. अल जझीराच्या वृत्तानुसार, ही शाळा संयुक्त राष्ट्रांची होती, जिथे निर्वासितांना ठेवण्यात आले होते.

संयुक्त राष्ट्राने (UN) याला धोकादायक पाऊल म्हटलं आहे. खान युनिसमधून लोकांना बाहेर काढण्यासाठी आणखी वेळ द्यावा, असेही त्यांनी म्हटले आहे. या काळात इस्राइलने निर्वासितांवर हल्ले करू नयेत. इस्रायली लष्कराने पॅलेस्टिनींना खान युनूसला रिकामे करण्याचे आदेश दिले आहेत. यानंतर तेथील 3 मोठी रुग्णालये बंद करण्यात आली आहेत.

गेल्या चार दिवसांमध्ये गाझामध्ये आश्रयस्थान म्हणून वापरल्या जाणाऱ्या शाळेच्या इमारतीवर हल्ला करणारा हा चौथा इस्त्रायली हल्ला आहे.