वॉशिंग्टन : कुणाचा अकाली किंवा अपघातात मृत्यू झाल्यास डॉक्टर्स कुटुंबीयांचे समुपदेशन करून अवयव दान करण्यास सांगतात. यामुळे अन्य लोकांना जीवन जगता येईल, हा त्यामागचा उद्देश असतो. दुसऱ्यांच्या जीवनात प्रकाश पेरण्याचा यातून प्रयत्न केला जातो. तसेच अनेकजण मृतदेह वैज्ञानिक प्रयोगांसाठी किंवा अभ्यासासाठी दान करतात. मात्र, यातून काही लोक व्यवहार करतात. असाच काहीसा प्रकार वॉशिंग्टनमध्ये घडला आहे.

९८ वर्षीय डेव्हिड सॉंडर्स यांचा मागच्या महिन्यात कोरोनामुळे मृत्यू झाला. मृताच्या पत्नीने पतीचा मृतदेह वैज्ञानिक प्रयोगांसाठी दान केला होता. परंतु, डाउनटाउन पोर्टलँड हॉटेलमध्ये पैसे देणाऱ्या प्रेक्षकांसमोर मृतदेह तपासणीसाठी ठेवण्यात आला होता. पोर्टलँड मॅरियट डाउनटाउन वॉटरफ्रंट येथील बैठकीच्या खोलीत डेव्हिड यांचा मृतदेह ७० लोकांसमोर ठेवण्यात आला होता.

लोकांनी त्याच्या तिकिटासाठी $५०० पर्यंत पैसे दिले. लोक मृतदेहाचे तुकडे पाहण्यासाठी तिकीट खरेदी करीत होते. तक्रारीनंतर अधिकारी प्रकरणाचा तपास करीत आहे. पोर्टलँड पोलिसांचे म्हणणे आहे की शवविच्छेदनादरम्यान कोणत्याही कायद्याचे उल्लंघन झाले नसल्याचे तपासात दिसून आले आहे. नागरी कायद्यांचे उल्लंघन केल्याचे ते म्हणाले. मीडिया कंपनी डेथ सायन्सने मेड एड लॅबमधून सॉंडर्सचा मृतदेह विकत घेतल्याची माहिती आहे. कंपनी एका कार्यक्रमात मृतदेहाचा वापर करणार होती. डेथ सायन्सचे संस्थापक जेरेमी सिल्बर्टो यांनी निवेदनात सांगितले, त्यांनी मेड एड लॅबमधून सॉन्डर्सचा मृतदेह खरेदी केला आहे.

दिशाभूल केल्याचा आरोप

पतीचा मृतदेह मेड एड लॅब्सला दान केले तेव्हा लास वेगासस्थित कंपनीने शरीराचा उपयोग संशोधनासाठी करण्यात येईल असे सांगितले होते. तसेच अंत्यसंस्कारानंतर अवशेष परत देण्यात येईल असेही सांगितले होते. हॉटेलमध्ये प्रेक्षकांसमोर पतीच्या मृतदेहाची चाचणी केली जाईल हे तिला सांगितले नव्हते.