हजारो वर्षांपूर्वी डायनासॉरसारख्या (dinosaur) महाविशाल काय प्राणी लुप्त झाले. मात्र, आजही या प्राण्यांचे काही अवशेष त्यांचं अस्तित्व दर्शवतात. यातही अनेक देशांमध्ये डायनासॉरच्या दुर्मिळ व लुप्त झालेल्या प्रजातींचे काही स्टॅच्यू उभारण्यात आले आहेत. त्यामुळे पर्यटक या स्टॅच्यूजवळ उभे राहून फोटो काढतात. विशेष म्हणजे सध्या सोशल मीडियावर स्पेनमधील अशाच एका स्टॅच्यूची चर्चा रंगली आहे. बार्सिलोना येथे उभारण्यात आलेल्या एका डायनासॉरच्या स्टॅच्यूमधून एक मृतदेह आढळून आला आहे. (missing-man-found-dead-inside-a-dinosaur-statue-in-spain-watch-shocking-video)

बार्सिलोना येथे क्यूबिक बिल्डींग बाहेर एक डायनासॉचा स्टॅच्यू उभारण्यात आला आहे. हा स्टॅच्यू पाहण्यासाठी व त्याच्यासोबत फोटो काढण्यासाठी अनेक पर्यटक गर्दी करत असतात. २२ मे रोजी एक पिता-पुत्राची जोडी या स्टॅच्यूजवळ उभे होते. त्यावेळी या स्टॅच्यूमधून एक उग्र दर्प येत होता. हा दर्प तीव्र होत असल्यामुळे याविषयी या दोघांनी संबंधित प्रशासनाकडे तक्रार केली. विशेष म्हणजे या वेळी शोध घेत असताना या डायनासॉरच्या पायात एक मृतदेह असल्याचं समोर आलं. विशेष म्हणजे आढळून आलेला मृतदेह याच भागात राहणाऱ्या एका ३९ वर्षीय व्यक्तीचा असल्यासं सांगण्यात येत आहे.

बर्सिलोना येथे असलेल्या Santa Coloma de Gramenet या भागातील एक ३९ वर्षीय व्यक्ती दोन दिवसांपासून बेपत्ता होती. विशेष म्हणजे त्याच व्यक्तीचा मृतदेह या डायनासॉरच्या पायातून बाहेर काढण्यात आला आहे. सूत्रांच्या माहितीनुसार, हा घातपाताचा प्रकार नसून अकस्मात झालेल्या एखाद्या अपघातामुळे या व्यक्तीचा मृत्यू झाला आहे.

संबंधित व्यक्ती डायनासॉरच्या स्टॅच्यूमध्ये अडकल्यामुळे त्याचा मृत्यू झाल्याचं सांगण्यात येत आहे. हा व्यक्ती डायनासॉरच्या स्टॅच्यूमध्ये गेला आणि तिथेच अडकून पडला. त्याने बाहेर येण्याचा व इतरांशी संपर्क साधण्याचा प्रयत्न केला असावा पण त्याचवेळी त्याचा फोन खालती पडला आणि या सगळ्यात त्याला बाहेर येणं अशक्य झालं. परिणामी, त्याचा स्टॅच्यूमध्ये अडकून मृत्यू झाला असा अंदाज लावण्यात येत आहे.

दरम्यान, अग्निशमन दलाच्या मदतीने हा मृतदेह बाहेर काढण्यात आला आहे. सध्या या मृतदेहाचं शवविच्छेदन करण्यात येत आहे. त्यानंतर, नेमक्या किती दिवसांपासून हा मृतदेह या स्टॅच्यूमध्ये होता हे स्पष्ट होईल. मात्र, या प्रकारानंतर हा स्टॅच्यू या जागेवरुन हटवण्यात आला आहे.