जलपाईगुडी : लाऊडस्पीकरवरील अजान अनेकदा वादाचा विषय बनला आहे. प्रसिद्ध गायक सोनू निगमसह अनेकांनी याविरोधात आवाज उठवला आहे. दरम्यान, पश्चिम बंगालमधील जलपाईगुडी येथील एका मशिदीच्या इमामाने लाऊडस्पीकरच्या अजानबाबत असा निर्णय घेतला आहे, जो जाणून तुम्हीही इमामाचे कौतुक केल्याशिवाय राहणार नाही

येथे लाऊडस्पीकरवरून अजान होणार नाही

जलपाईगुडीतील एका मशिदीचे इमाम नजीमुल हक यांनी निर्णय घेतला आहे की, यापुढे मशिदीत लाऊडस्पीकरवरून अजान दिली जाणार नाही. वास्तविक हा निर्णय मशिदीजवळ शाळा असल्यामुळे आणि लाऊडस्पीकरवर अजान दिल्याने शाळेत शिकणाऱ्या मुलांना त्रास होतो.

काय म्हणाले मशिदीचे इमाम?

इमाम नजीमुल हक म्हणाले की, यापुढे आम्ही लाऊडस्पीकरशिवाय मशिदीत अजान देऊ. त्यामुळे ध्वनी प्रदूषण होणार नाही आणि मुलांना शाळेत शांततेने अभ्यास करता येणार आहे.

शाळेतील शिक्षकांनी या निर्णयाचे स्वागत केले

मशीद प्रशासनाने आम्हाला चांगले सहकार्य केल्याचे मशिदीजवळील शाळेचे शिक्षक इंद्रनील साहा यांनी सांगितले. कोविड-19 चे रुग्ण कमी झाल्यानंतर शाळा पुन्हा सुरू झाल्या आहेत. मशिदीमध्ये अजानसाठी लाऊडस्पीकर न वापरण्याच्या निर्णयाचे आम्ही स्वागत करतो.