यांगून - म्यानमारच्या लष्करी राजवटीला विरोध करणाऱ्या आणि अधिक स्वायत्तता मागणाऱ्या कारेन गावातील बंडखोरांवर झालेल्या हवाई हल्ल्यानंतर या गावातील नागरिक मोठ्या संख्येने शेजारील थायलंडमध्ये पळून जाण्याची शक्यता निर्माण झाली आहे. यामुळे थायलंडने सीमेवरील बंदोबस्त कडक केला आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा 

कारेन गावातील ‘कारेन नॅशनल लिबरेशन आर्मी’ने शनिवारी (ता. २७) लष्कराच्या एका ठाण्यावर हल्ला करत त्याचा ताबा घेतला होता. त्याला प्रत्युत्तर देताना लष्कराने रविवारी या गावावर हवाई हल्ला केला होता. यामध्ये दोन जणांचा मृत्यू झाला, तर अनेक जण जखमी झाले होते. या घटनेनंतर या गावातील जवळपास अडीच हजार जणांनी सीमा ओलांडून थायलंडमध्ये प्रवेश केला आहे. आणखी किमान १० हजार जण स्थलांतराच्या तयारीत असल्याचे सूत्रांनी सांगितले. कारेनमधील बंडखोर गट आणि लष्करी राजवटीविरोधात निदर्शने करणारे आंदोलनकर्ते एकमेकांना सहकार्य करण्याचीही चिन्हे आहेत.

ब्रिटनच्या नागरिकांसाठी ‘हॅप्पी मंडे’; कोरोना निर्बंध शिथिल होण्यास सुरुवात

म्यानमारमध्ये सुरक्षा दलांनी आंदोलकांवर दडपशाही सुरुच ठेवली असून शनिवारी एकाच दिवशी किमान ११४ आंदोलकांना गोळी घालून ठार करण्यात आले. 

Edited By - Prashant Patil