नायजेरियातील बाजारात तब्बल २०० जणांनी बेछूट गोळीबार केल्याची घटना घडली आहे. यामध्ये ४३ जणांचा मृत्यू झाला आहे. याबाबतचे वृत्त रॉयटर्सने दिले आहे. नायजेरियातील सोकोटो राज्याच्या गव्हर्नर कार्यालयाकडून सोमवारी याची माहिती देण्यात आली आहे .

सोकोतो राज्यातील एका गावातील बाजारात बंदुकधाऱ्यांना हल्ला केला. यामध्ये अनेक लोकांचा मृत्यू झाला आहे. सोकोतो सरकारचे प्रवक्ते मुहम्मद बेल्लो यांनी दिलेल्या माहितीनुसार, गोरोन्यो गावामध्ये हा हल्ला झाला आहे. यामध्ये ४३ जणांचा मृत्यू झाला आहे. सोमावारी सांयकाळी ही घटना घडली. बाजाराच्या दिवशीच हल्लेखोरांनी बेछूट गोळीबार केला. याठिकाणी अनेक ग्राहक आणि व्यापारी आले होते.

सोकोतोचे गव्हर्नर अमीनू वजीरी तंबुवाल यांनी म्हटलं की, हल्लेखोरांनी रविवारी रात्री ते सोमवारी सकाळपर्यंत हल्ला केला. नायजेरियाच्या या भागात अनेक वर्षांपासून या डाकुंनी दहशथ निर्माण केली आहे. त्यांनी मोठ्या प्रमाणावर लूटमार केली आहे. मात्र अलिकडच्या काळात हिंसक घटना घडल्या आहेत.