जकार्ता (इंडोनेशिया) : एका बोटीमधून 255 पर्यटक प्रवास करत होते. पण, बोटीमध्ये कोरोनाग्रस्त असल्याचे समजले आणि प्रवाशांमध्ये खळबळ उडाली. घाबरलेल्या प्रवाशांनी थेट समुद्रातच उड्या मारल्या. संबंधित व्हिडिओ सोशल मीडियावर व्हायरल झाला आहे.

जगभरात कोरोना व्हायरसने धुमाकूळ घातला आहे. कोरोनाची भिती नागरिकांमध्ये पसरली आहे. ही भिती किती आहे, हे या व्हिडिओमधून पाहायला मिळते. इंडोनेशियातील समुद्रात अशीच एक चक्रावून टाकणारी घटना घडली आहे. बोर्नियोहून सुलावेसीकडे एक बोट 255 पर्यटकांसह समुद्रात गेली होती. तेंव्हा काही लोकांनी बोटीत कोरोनाग्रस्त असल्याचे समजल्यानंतर समुद्रात उड्या मारल्या, असे वृत्त 'डेली मेल'ने देताना व्हिडिओ शेअर केला आहे.

एका नर्स मातेचा मुलांसाठी तुटतोय अक्षरशः जीव...

दरम्यान, प्रवाशांनी समुद्रात उड्या मारल्यानंतर त्यांना वाचवण्यासाठी लाइफ जॅकेट टाकण्यात आली. या प्रकारानंतर इंडोनेशियाच्या प्रशासनाने बोटीला बंदरात थांबवण्यास परवानगी दिली. पाण्यात उड्या मारलेले लोक पोहोचतच समुद्राच्या किनाऱ्यावर आले.

इंडोनेशियाच्या परिवहन मंत्रालयाने सांगितले की, आम्ही लोकांना फक्त कोरोनाची चाचणी कऱण्यासाठी आवश्यक ती प्रक्रिया पूर्ण करण्यास सांगितले होते. इंडोनेशियात कोरोनाचे जवळपास 3 हजार रुग्ण आहेत. देशात आतापर्यंत 240 लोकांचा मृत्यू झाला आहे. यामुळेच प्रवास करणाऱ्यांची कडक तपासणी केली जात आहे.

महिलेने चाटले लाखो रुपयांचे किराणा साहित्य...