फिलिपाइन्समध्ये (Philippines) चक्रीवादळामुळे (Cyclone) हाहाकार माजला आहे. अधिकृत आकडेवारीनुसार रविवारपर्यंत, वादळामुळे सुमारे 75 लोकांचा मृत्यू झाला आहे. ज्या ठिकाणी मोठा विध्वंस झाला तिथे लोकांना पाणी आणि अन्न पुरवण्याचे प्रयत्न सुरू आहेत. 'राई' चक्रीवादळामुळे 300,000पेक्षा जास्त लोकांना त्यांची घरं आणि बीच रिसॉर्ट सोडावे लागलेले आहेत. अनेक भागात दळणवळण आणि वीज सेवा विस्कळीत झाली आहे. अनेक ठिकाणी विजेचे खांब आणि घरांची छत कोसळल्याने गावांमध्ये पूरसदृश परिस्थिती निर्माण झाली आहे.

वेगवेगळ्या शहरांच्या प्रमुख अधिकाऱ्यांनी दिलेल्या माहितीनुसार नुकताच 49 लोकांचा मृत्यू झाला आहे. त्यामुळे एकूण आकडा 75 वर पोहोचला आहे. त्याचबरोबर 13 जण जखमी झाल्याची माहिती आहे तर 10 जण अद्याप बेपत्ता आहेत. त्यांचा देखील शोध सुरू असल्याचं बोहोलचे गव्हर्नर आर्थर याप यांनी सांगितलं आहे.

गुरुवारी वादळाचा वेग ताशी १९५ किलोमीटर होता. दळणवळण सेवा पूर्णपणे ठप्प झालेली असून, बचावकार्य सुरू आहे. नागरिकांना उंच ठिकाणी हालवलं जात आहे. सैन्याचे आणि पोलीस दलाचे हजारो जवान बचावकार्यात सहभागी झालेले आहेत.