पंतप्रधान नरेंद्र मोदी यांचा अमेरिका दौरा संपला असून ते शनिवारी रात्री अमेरिकेहून भारतासाठी रवाना झाले. अमेरिकेतून परतताना पंतप्रधान मोदींनी, येत्या काळात भारत आणि अमेरिका यांच्यातील संबंध अधिक मजबूत होतील विश्वास व्यक्त केला.

आपल्या तीन दिवसांच्या दौऱ्यात पंतप्रधान मोदींनी संयुक्त राष्ट्र महासभेच्या (UNGA) 76 व्या सत्राला संबोधित केलं. पहिल्या Quad Summit मध्ये भाग घेतला. अमेरिकेचे अध्यक्ष जो बायडेन आणि उपाध्यक्ष कमला हॅरिस यांची भेट घेतली. तसेच ऑस्ट्रेलियाचे पंतप्रधान स्कॉट मॉरिसन आणि जपानचे पंतप्रधान योशीहिडे सुगा यांचीही भेट घेतली. याव्यतिरिक्त, पंतप्रधान मोदींनी अमेरिकेच्या 5 कंपन्यांच्या सीईओंना भेटून त्यांना भारतात गुंतवणूक करण्यासाठी आमंत्रित केले. परराष्ट्र मंत्रालयाचे प्रवक्ते अरिंदम बागची यांनी मोदींचा हा दौरा एक 'ऐतिहासिक' असल्याचे म्हटले आहे.

मोदींनी तीन दिवसांच्या दौऱ्यात काय केले?

1. ग्लोबल कोविड शिखर परिषदेत दिलेला संदेश

   पीएम मोदींनी ग्लोबल कोविड शिखर परिषदेला संबोधत केले. यावेळी त्यांनी कोरोनाच्या काळात भारताने 150 हून अधिक देशांना मदत केली आणि भारतात बनवलेली कोरोना लस 95 देशांमध्ये पाठवण्यात आल्याचे सांगितले. जेव्हा भारत कोरोनाच्या दुसऱ्या लाटेशी लढत होता, तेव्हा जगातील अनेक देश एका कुटुंबाप्रमाणे भारतासोबत उभे होते. याबद्दल त्यांनी आभार मानले. तसेच, त्यांनी असेही सांगितले की लसीच्या प्रमाणपत्राला मान्यता देऊन आंतरराष्ट्रीय प्रवास सुलभ केला पाहिजे.

2. अमेरिकन कंपन्यांच्या मुख्य कार्यकारी अधिकाऱ्यांसोबत बैठक

   पंतप्रधान मोदींनी 5 अमेरिकन कंपन्यांच्या मुख्य कार्यकारी अधिकाऱ्यांची भेट घेतली. यामध्ये क्वालकॉमचे मुख्य कार्यकारी अधिकारी क्रिस्टियानो आर आमोन, अॅडोबचे शंतनू नारायण, फर्स्ट सोलरचे मार्क विडमर, जनरल अणुशास्त्राचे विवेक लाल, ब्लॅकस्टोनचे स्टीफन ए. श्वार्जमन यांचा समावेश होता. या बैठकीत पंतप्रधान मोदींनी त्यांना भारतात गुंतवणूक करण्याचे आमंत्रण दिले असल्याचे समजते आहे.

3. ऑस्ट्रेलियन आणि जपानी पंतप्रधानांसोबत बैठक

   पंतप्रधान मोदींनी ऑस्ट्रेलियाचे पंतप्रधान स्कॉट मॉरिसन आणि जपानचे पंतप्रधान योशीहिदे सुगा यांच्यासोबतही द्विपक्षीय बैठक घेतली. दोन्ही नेत्यांसोबत पंतप्रधान मोदींनी कोरोना महामारी, परस्पर संबंध आणि व्यवसायायीक मुद्द्यांवर चर्चा केली. पंतप्रधान मोदींनी मॉरिसनला गुलाबी एनामेल क्राफ्टने बनवलेले जहाज भेट दिले. त्याच वेळी, जपानच्या पंतप्रधानांना चंदनापासून बनवलेली बुद्धांची मूर्ती भेट दिली.

4. बिडेन आणि कमला हॅरिस यांची भेट

   पंतप्रधान मोदींनी अमेरिकेच्या उपराष्ट्रपती कमला हॅरिस यांची भेट घेतली. कोरोना लसीकरण, पुरवठा साखळी आणि तंत्रज्ञान यासह अनेक मुद्द्यांवर दोघांमध्ये चर्चा झाली. या दरम्यान, पीएम मोदींनी कमला हॅरिस यांना भारतात येण्याचे आमंत्रणही दिले. पीएम मोदींनी कमला हॅरिस यांना त्यांचे आजोबा पीव्ही गोपालन आणि गुलाबी मीनाकारी बुद्धिबळ संच संबंधित काही जुनी कागदपत्रे भेट दिली. हॅरिस याच्याभेटीनंतर पंतप्रधान मोदींनी राष्ट्रपती जो बायडेन यांच्याशी द्विपक्षीय बैठक घेतली. या दरम्यान, पंतप्रधान मोदी म्हणाले की, भारत आणि अमेरिका एकत्रितपणे अनेक जागतिक आव्हानं सोडवू शकतात. तर बायडेन यांनी, 2006 मध्ये जेव्हा आपण जेव्हा उपराष्ट्रपती होतो, तेव्हा आपण म्हटलो होतो की, की 2020 मध्ये भारत आणि अमेरिका चांगले मित्र असतील याची आठवण करुन दिली. या दरम्यान, दोघांमध्ये अनेक महत्त्वाच्या मुद्द्यांवर चर्चाही झाली.

5. Quad बैठकीत भाग घेतला

   पीएम मोदींनी क्वाडमध्येही उपस्थिती लावली. जो बायडेन या सभेचे अध्यक्ष होते. क्वाड ग्रुपमध्ये भारत, अमेरिका, ऑस्ट्रेलिया आणि जपानचा समावेश आहे. या बैठकीतून चीनला एक संदेश देण्यात आला. बैठकीच्या सुरुवातीला बायडेन म्हणाले की, या संघटनेत फक्त त्या लोकशाही देशांनाच स्थान आहे, ज्यांच्याकडे संपूर्ण जगासाठी सर्वसमावेशक विचारसरणी आणि भविष्यासाठी दृष्टी आहे. येणाऱ्या आव्हानांना सामोरे जाण्यासाठी आम्ही एकत्रितपणे तयारी करू. त्याच वेळी, पीएम मोदी म्हणाले की, जेव्हा संपूर्ण जग कोरोनाविरोधात लढत आहे, तेव्हा जगाच्या भल्यासाठी क्वाड परिषद सक्रिय झाली आहे.

6. संयुक्त राष्ट्रांच्या व्यासपीठावरून पाकिस्तानवर निशाणा

   पंतप्रधान मोदींनी त्यांच्या अमेरिका दौऱ्याच्या शेवटच्या दिवशी संयुक्त राष्ट्रांच्या महासभेला संबोधित केले. यावेळी, पंतप्रधान मोदींनी पाकिस्तान आणि पंतप्रधान इम्रान खान यांच्यावर नाव न घेता निशाणा साधला. पंतप्रधान मोदी म्हणाले की, जे लोक दहशतवादाचा वापर करत आहे, त्यांना हे सुद्धा समजले पाहिजे की, दहशतवाद त्यांच्यासाठीही तितकाच मोठा धोका आहे. अफगाणिस्तानमधील परिस्थितीचा उल्लेख करत पंतप्रधान मोदींनी पाकिस्तानला सावध राहण्याची गरज असल्याचा अप्रत्यक्ष इशारा दिला आहे.

7. अमेरिकेतून पंतप्रधान मोदी काय घेऊन परतत आहेत?

   पंतप्रधान मोदी काही जुन्या आणि दुर्मिळ कलाकृतींसह अमेरिकेतून परत येत आहेत. बायडेन प्रशासनाने पंतप्रधान मोदींना भेट म्हणून 157 कलाकृती दिल्या आहेत. या सर्व कलाकृती अकराव्या शतकापासून ते 14 व्या शतकापर्यंत तसेच 2000 ई.पू. काळातील काही वस्तू आहेत. यातील 45 कलाकृती प्राचीन काळातील आहेत.