मॉन्टवाले, (न्यूयॉर्क) - अमेरिकेतील न्यूयॉर्क येथील इन्स्टिट्यूट ऑफ मानेजमेंट अकाउंटंट्स (आयएमए) या आंतरराष्ट्रीय संस्थेच्या जागतिक संचालक मंडळाच्या अध्यक्षपदी सुनील देशमुख (सीएमए) यांची नियुक्ती करण्यात आली आहे.

‘आयएमए’च्या वतीने याबाबत नुकतीच घोषणा करण्यात आली आहे. या संस्थेच्या जागतिक संचालक मंडळाच्या अध्यक्षपदी नियुक्ती झालेले देशमुख हे पहिले भारतीय आहेत. जुलै २०२४ ते जून २०२५ या कालावधीसाठी ही नियुक्ती करण्यात आली आहे.

‘पहिल्यांदाच एका भारतीयाला हे पद मिळत असल्याने मला याचा विशेष आनंद वाटत आहे, मी या पदाच्या माध्यमातून ‘आयएमए’साठी काम करण्यास उत्सुक आहे,’ अशी प्रतिक्रिया देशमुख यांनी दिली आहे. देशमुख हे ३० वर्षांपेक्षा जास्त विविध संस्थांना धोरणात्मक बाबींमध्ये मार्गदर्शन करतात.