अमेरिकेतील लॉस एंजेलिसमध्ये राहणाऱ्या ट्रान्सजेंडरने पुरूषाने मुलाला जन्म दिला आहे. त्यानेच याविषी माहिती दिली. त्याचे नाव बेनेट कास्पर विल्यम्स आहे. तो म्हणाला मी जरी आई असलो तरी मला आई (Mother) म्हणणं मात्र आवडलं नाहीये. बेनेट गर्भवती (Pregnancy) असताना हॉस्पिटलच्या नर्सेस त्याला आई म्हणून बोलावायच्या. यामुळे तो नाराज झाला होता.

लग्नाआधीच मुलाची इच्छा

बेनेट २० वर्षांचा असताना त्याच्यात बदलांना सुरूवात झाली, तेव्हा त्याला आपण ट्रान्सजेंडर असल्याचे लक्षात आलं. २०१७ साली त्याची भेट मलिकबरोबर झाली. त्यांनी २०१९ साली लग्न केले. लग्नानंतर आपलं स्वत:च अपत्य हवं असं त्यांना वाटलं. दोघांनी निर्णय घेतला आणि बेनेट मुलाला जन्म देऊ शकतो असे ठरले. मूल जन्माला येण्यासाठी जे पर्याय आहेत त्याचा दोघांनी शोध घेतला. बेनेटला यासाठी टेस्टोस्टेरॉन हार्मोन थेरपी थांबवावी लागली. त्याच्या अंडाशयांना कार्य करण्यास सक्षम करण्यासाठी आवश्यक असलेली ही थेरपी तो गेल्या अनेक वर्षांपासून करत होता.

बेनेटने २०१५ साली मध्ये शस्त्रक्रिया करून त्याचे स्तन काढले होते. त्यासाठी त्याला ३ लाख ७६ हजारांपेक्षा जास्त खर्च झाला. पण त्याच्या प्रजनन क्षमतेवर कोणताही परिणाम झाला नाही. त्यामुळेच मुलाला जन्म देण्यासाठी सक्षम असल्याने त्याने तसा निर्णय घेतला. त्यानंतर बेनेटला गर्भधारणा झाली. सिझेरियन सेक्शनद्वारे त्याने मुलाला जन्म दिला. त्यांनी मुलाचे नाव हटसन ठेवले असून तो आता दीड वर्षांचा आहे. तर, शस्त्रक्रियेविषयी बेनेट म्हणाला की, त्याला स्तनांबद्दल खूप दु:ख होतं, म्हणून स्तन काढून टाकण्याचा निर्णय घेतला. शरीराचे काही भाग काढल्यानंतर मला कधीच वाईट वाटले नाही. बेनेट सांगतो की मातृत्वाच्या दृष्टीने स्त्रीत्वाची व्याख्या करणे थांबवले पाहिजे. म्हणूनच नर्सने त्याला आई म्हटल्यावर त्याला राग आला होता.