न्यूयॉर्क - अमेरिकन कंपनी मॉडर्नाने नुकतीच घोषणा केली होती की, त्यांची कोरोना व्हॅक्सिन 94 टक्के प्रभावी ठरली आहे. मात्र आता मॉडर्नाच्या प्रमुख शास्त्रज्ञांनी म्हटलं आहे की, व्हॅक्सिन लोकांना आजारी पडण्यापासून वाचवू शकते. मात्र कोरोना व्हायरसचा प्रसार होण्यापासून रोखू शकत नाही. 

मॉडर्नाचे प्रमुख शास्त्रज्ञ टल जक्स यांनी म्हटलं की, जर एखाद्या व्यक्तीला कोरोनाची लागण झाली तर व्हॅक्सिन कोरोनाचा संसर्ग इतरांना होण्यापासून रोखू शकणार नाही. चाचणीवेळी याची तपासणी करण्यात आली नसल्याचंही त्यांनी सांगितलं. 

डेलीमेलमध्ये प्रसिद्ध झालेल्या वृत्तानुसार, मॉडर्नाच्या प्रमुख शास्त्रज्ञांनी सांगितलं की, लोकांनी व्हॅक्सिन प्रभावी ठरतंय याकडे खूप काही मोठं झालं अशा दृष्टीने पाहू नये. मॉडर्ना आणि फायजऱ दोन्ही कोरोना व्हॅक्सिनच्या ट्रायलवेळी कोरोनाचा संसर्ग इतरांना रोखण्यात यशस्वी होईल का? याची तपासणी केलेली नाही.

हे वाचा - कोरोनाचे मूळ शोधण्यासाठी परदेशी तज्ज्ञांचे पथक लवकरच चीनमध्ये

मॉडर्नाचे मुख्य शास्त्रज्ञ म्हणाले की, आम्हाला ट्रायल डेटामधून अशी माहिती मिळाली आहे की, व्हॅक्सिन तुम्हाला आजारी पडण्यापासून वाचवू शकते. मात्र यातून हे समजू शकले नाही की एखाद्याला कोरोना झाला असेल तर व्हॅक्सिन त्याच्यापासून इतरांना होणारा संसर्ग रोखू शकते की नाही?

एस्ट्राजेनका आणि ऑक्सफर्डच्या कोरोना व्हॅक्सिनच्या ट्रायलच्या सुरुवातीच्या विश्लेषणानुसार, ही व्हॅक्सिन कोरोना व्हायरसच्या संसर्गाला रोखू शकते. मात्र अद्याप ट्रायल पूर्ण झालेली नाही आणि हा फक्त सुरुवातीचा डेटा आहे. इतर व्हॅक्सिनप्रमाणेच मॉडर्नाची व्हॅक्सिनसुद्धा अशा पद्धतीने तयार करण्यात आली आहे की, व्यक्तीच्या शरीरात असलेला कोरोना नष्ट करत नाही तर कोरोनाचा शरीरात इतर पेशींमध्ये पोहोचण्यापासून रोखतो. त्यामुळेच लोक आजारी पडत नाहीत. 

हे वाचा - Corona Vaccine - रशियाची Sputnik V लस 95 टक्के प्रभावी; संशोधकांनी दिली माहिती

मॉडर्ना, फायजर पाठोपाठ ऑक्सफर्डची लससुद्धा 90 टक्के प्रभावी ठरल्याचं समोर आलं आहे. पहिल्या डोसमध्ये 90 टक्के लस कोरोना व्हायरसवर प्रभावी ठरली असल्याची माहिती कंपनीच्यावतीने देण्यात आली आहे. याबाबतची अधिक माहिती लवकरच देण्यात येईल असं पुण्यातील सीरम इन्स्टिट्यूटचे सीईओ आदर पूनावाला यांनी सांगितलं होतं.