लंडन : आपल्या मुलांना व्हिडीओ गेम खेळण्याची आवड असेल तर ते मुलांसाठी फायद्याचं ठरणार आहे. व्हिडीओ गेम मुलांची बुद्धिमत्ता वाढवण्यासाठी मदत करतात असं एका अभ्यासातून समोर आलं आहे. व्हिडीओ गेम खेळणाऱ्या बुद्धिवर काय परिणाम होतो याचा अहवाल समोर आला आहे.

जर्नल सायंटिफिकने सादर केलेल्या अहवालानुसार, जे मुलं सरासरीपेक्षा जास्त वेळ व्हिडीओ गेम खेळतात त्यांच्या बुद्धिमत्तेत वाढ झाल्याचं पाहायला मिळालं. त्यांच्या बुद्धिमतेत सरासरीपेक्षा अंदाजे 2.5 IQ गुणांनी वाढ झाल्याचं संशोधकांना आढळलं आहे. दरम्यान व्हिडीओ गेम, टीव्ही, सोशल मीडिया यामुळे मुलांवर कोणतेही वाईट परिणाम आढळले नाहीत असं अहलावातून समोर आलं आहे.

कॅरोलिंस्का इन्स्टिट्युटमधील संशोधकांनी अमेरिकेतील ९ ते १० वर्ष वयोगटातील ९ हजार मुलांचा अभ्यास केला आहे. मुला-मुलींमध्ये स्क्रीनच्या सवयी आणि बुद्धिमत्ता यांच्यातील संबंधाचा अभ्यास करण्यात आला. त्यानंतर दोन वर्षांनंतर फक्त 5,000 मुलांच्या निरिक्षणातून हा अहवाल तयार करण्यात आला आहे. अभ्यास करण्यात आलेले मुलं आपला दिवसातील 2.5 तास टीव्ही पाहण्यात, अर्धा तास सोशल मीडियावर आणि 1 तास व्हिडिओ गेम खेळण्यात घालवल असल्याचं संशोधकांनी सांगितलं.

दरम्यान संशोधकांनी अभ्यासातून तयार केलेल्या अहवालातील मुलांच्या बुद्धिमत्तेत वाढ झाली आहे पण त्याचे वाईट परिणामी दिसले नसून संज्ञानात्मक प्रभावांचा बालपणातील मेंदूच्या विकासाशी कसा संबंध आहे याचा अभ्यास केला जाणार आहे असं मत संशोधकांनी व्यक्त केलं.