वॉशिंग्टन- आपल्या चिमुकलीला घरी ठेवून १० दिवस सुट्टीला गेलेल्या अमेरिकेतील एका महिलेला जन्मठेपेची शिक्षा सुनावण्यात आली आहे. ३२ वर्षीय महिला आपल्या १६ महिन्याच्या लहान मुलीला घरी ठेवून सुट्टीसाठी गेली होती. फॉक्स न्यूजनुसार, महिलेचे नाव क्रिस्टेल Kristel Candelari आहे. मागील महिन्यात महिलेला हत्या आणि बाळाचा जीव धोक्यात घातल्याप्रकरणी दोषी ठरवण्यात आलं होतं.

महिलेने सर्वात मोठा द्रोह केला आहे. तिने आपली चिमुकली मुलगी जैलिनला मागील उन्हाळ्यात अन्न-पाण्याशिवाय घरात एकटं सोडलं. तिला सुट्टीसाठी डेट्रोईट, पोर्तु रिको येथे जाता यावं यासाठी तिने आपल्या बाळाला मरण्यास सोडून दिलं, असं याप्रकरणी सुनावणी करणारे न्यायमूर्ती म्हणाले आहेत. (woman in the United States has been sentenced to life in prison Who Left Baby Home Alone While On Vacation)

ज्या पद्धतीने तू आपली मुलगी जैलिनला घरी बंद ठेवलं, त्याच पद्धतीने आता तुला देखील तुझं आयुष्य तुरुंगाच्या चार भिंतीमध्ये घालवावं लागेल. कोणत्याही स्वातंत्र्याशिवाय तुला राहावं लागेल. फक्त एक फरक असेल की तुला तुरुंगामध्ये किमान अन्न-पाणी मिळेल जे तू तुझ्या मुलीला नाकारलं होतं, असं म्हणत न्यायमूर्ती ब्रँडन शिहान यांनी आपल्या भावना व्यक्त केल्या.

फिर्यादी वकिलाच्या माहितीनुसार, मागील वर्षी जून महिन्यात क्रिस्टेलने आपल्या मुलीला क्लेवरलँडमधील घरी एकटे आणि कोणाच्या देखरेखीशिवाय सोडलं. ती दहा दिवसांनंतर सुट्टी उपभोगून परत आली. परत आल्यानंतर जैलिनला मृत पाहून तिने पोलिसांना फोन केला. क्लेवरलँडचे पोलिस घटनास्थळी पोहोचले होते.

सीपीडीच्या होमोसाईड युनिटने याप्रकरणी तपास केला. त्यांनी सांगितलं की, क्रिस्टेल हिने आपल्या मुलीला एकटे सोडून ६ जून ते १६ जून या कालावधीत डेट्रोईट, पोर्तु रिको, मिशिगण येथे सुट्ट्या घालवल्या. याकाळात जैलिन पूर्णपणे उपाशी राहिली अन् तिचा मृत्यू झाला. जैलिन घरी एका कोपऱ्यात मृतअवस्थेत पडली होती

आईचं म्हणणं काय?

क्रिस्टेल हिचे म्हणणं आहे की, 'ती नैराशाच्या समस्येशी झगडत आहे, शिवाय तिला मानसिक आरोग्यासंबंधी काही अडचणी आहेत. बोलण्याची संधी दिल्यानंतर क्रिस्टेल म्हणाली की, ती दररोज माफीसाठी प्रार्थना करते. माजी मुलगी, जैलिन ही आता जगात नाही याचं मला अत्यंत दु:ख होत आहे. जे काही झालं त्याचा मला त्रास होतोय. मी माझ्या कृत्यांचे समर्थन करत नाही. पण, मला माहितीये की मी किती त्रासातून आणि कोणत्या परिस्थितीतून जात होते.' देव आणि माझ्या मुलीने मला माफ केलं आहे, असा दावाही क्रिस्टेलने केलाय. (Latest Marathi News)