जीनिव्हा : जागतिक व्यापार संघटनेकडून विकास केंद्रीत, सर्वांना समान न्याय देणारे आणि समतोल धोरण राबविले जावे, यासाठी जी-३३ गटातील विकसनशील देशांनी एकत्र येऊन काम करावे, असे आवाहन वाणिज्य आणि उद्योग मंत्री पीयूष गोयल यांनी आज केले. जागतिक आरोग्य संघटनेच्या मंत्रिस्तरावरील परिषदेसाठी येथे आलेल्या गोयल यांनी त्यापूर्वी आयोजित केलेल्या बैठकीत ही भूमिका मांडली.

गोयल म्हणाले,‘‘विकसीत देश काही उत्पादनांना मोठ्या प्रमाणात अंशदान देत असल्याने विकसनशील देशांमध्ये आयातीचे प्रमाण प्रचंड वाढते आणि त्यामुळे देशांतर्गत उत्पादनांचे नुकसान होते. या उत्पादनांचे संरक्षण करण्यासाठी यंत्रणा निर्माण करावी, अशी जी-३३ गटाची मागणी आहे. भारत सर्व पातळीवर या यंत्रणेसाठी प्रयत्न करत आहे. या यंत्रणेमुळे गरीब देशांच्या हितांचे रक्षण होणार आहे.’’