नवी दिल्लीः आज जागतिक योगा दिनानिमित्त पंतप्रधान नरेंद्र मोदी यांच्या उपस्थतीत यूएनच्या मुख्य कार्यालयाबाहेर योगा दिन साजरा करण्यात आला. यावेळी पंतप्रधान नरेंद्र मोदी यांनी योगा दिनाचं महत्त्व उपस्थितांना विषद केलं.

यावेळी बोलतांना पंतप्रधान नरेंद्र मोदी म्हणाले की, योगा म्हणजे एकजुट होणं आहे. यौगामुळे शरीर, मन निरोगी राहण्यास मदत होते. हे एक मोठं शास्त्र जगाला मिळालेलं आहे. योगसाधना ही भारताची अत्यंत जुनी परंपरा आहे. त्यामुळे ९ वर्षांपूर्वी आम्ही योगा दिन साजरा करण्यास सुरुवात केली. योगा हा जीवन जगण्याचा समृद्ध मार्ग असल्याचं पंतप्रधान नरेंद्र मोदी यांनी सांगितलं.

यावेळी यूएन सदस्यांची उपस्थिती होती. यावेळी सर्वांनी आपपली मतं व्यक्त केली. यावेळी पंतप्रधान मोदींनी यूएनचे आभार मानले. यावेळी योगाची काही प्रात्यक्षिकं दाखवण्यात आली. अमेरिकेमध्ये ३ कोटी लोक दररोज योगा करतात, असं यावेळी सांगण्यात आलं.

९ वर्षांपूर्वी योगा डे सुरु केल्यापासून जगभरात दररोज ३० कोटी लोक योगा करतात. १० कोटी लोक एकट्या भारतात योगा करतात. यावरुन दिवसेंदिवस योगा कल्चर वाढत असल्याचं दिसून येत आहे. यूएनच्या मुख्य कार्यालयाबाहेर योगा डे साजरा झाल्याने आश्चर्य व्यक्त होत आहे.