नागपूर : कुठल्याही आजारामुळे हाड तुटणे याला पॅथॉलॉजीक फ्रॅक्चर (what is pathologic fracture) म्हणतात, तर अपघातामुळे झालेल्या फ्रॅक्चरला सामान्य फ्रॅक्चर म्हणतात. ज्यांची हाडे कमकुवत असतील त्यांना देखील पॅथॉलॉजीक फ्रॅक्चर होऊ शकतो. या आजारानं त्रस्त असलेल्या व्यक्तींना दररोज चालणे, वाकणे आदी काम करण्यास त्रास जातो. जास्त जड कामे केल्यास त्यांचे हाड देखील मोडू शकते. (know about pathologic fracture symptoms causes treatment in marathi)

पॅथोलॉजिक फ्रॅक्चरची लक्षणे -

सामान्य फ्रॅक्चर आणि पॅथोलॉजिकल फ्रॅक्चर या दोन्हीमध्ये तसा जास्त फरक नाही. मात्र, काही लक्षणं वेगळी जाणवतात, ते ओळखणे देखील कठीण आहे.

• तुटलेल्या हाडात तीव्र वेदना होणे

• तुटलेल्या हाडांच्या सभोवती सूज येणे

• तुटलेल्या हाडाभोवतीचा भाग सुन्न होणे

पॅथॉलॉजीक फ्रॅक्चर का होतो?

ऑस्टियोपोरोसिस हा हाडांचा आजार असून हा आजारा ज्या व्यक्तीला असेल त्यांना पॅथॉलॉजीक फ्रॅक्चरचा धोका असतो. तसेच कर्करोगाने ग्रस्त असणाऱ्या व्यक्तींना देखील पॅथॉलॉजीक फ्रॅक्चर होऊ शकतो. कर्करोगाच्या अनेक रुग्णांमध्ये हाडे कमजोर होत असतात.

पॅथोलॉजिक फ्रॅक्चर कसे ओळखले जाते? -

पॅथोलॉजिकल फ्रॅक्चर शोधण्यासाठी डॉक्टर एक्स-रे, एमआरआय, सीटी-स्कॅन, न्यूक्लियर बोनचे स्कॅनिंग करतात. हाड कशामुळे तुटले हे तुम्हाला माहिती नसल्यास डॉक्टर कॅल्शियम चाचणी, रक्त तपासणी, ट्युमर किंवा संसर्ग शोधण्यासाठी बायोप्सी करू शकतात.

उपचार -

पॅथोलॉजिक फ्रॅक्चरचा उपचार हा व्यक्तीनुसार बदलू शकतो. असे बरेच आजार आहेत ज्यात हाडांचा विकार बरा होत नाही. अशावेळी डॉक्टर हाडात रॉड किंवा स्टंट घालतात. काही प्रकरणांमध्ये, डॉक्टर आपल्याला विश्रांती घेण्याचा सल्ला देतात आणि भारी काम करण्यास नकार देतात. जेणेकरून आपल्या तुटलेल्या हाडांना ताण येऊ नये. बरे होण्यासाठी काही आठवडे किंवा काही महिने लागू शकतात, काही लोकांमध्ये हा आजार बरा होत नाही. जर एखाद्या आजारामुळे फ्रॅक्चर असेल तर हाडे बरे करणे कठीण काम आहे. अशा परिस्थितीत आपल्याला शस्त्रक्रिया करावी लागू शकते.

(ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. या मतांशी 'सकाळ ऑनलाइन'चा कोणताही संबंध नाही. त्यामुळे कोणतेही वैद्यकीय उपचार करण्यापूर्वी आरोग्यतज्ज्ञ आणि डॉक्टरांशी योग्य तो सल्लामसलत करणे आवश्यक आहे.)