नागपूर : तुम्हाला झोपेत घोरण्याची सवय असेल तर त्याकडे दुर्लक्ष करू नका. कारण, हे घोरणे हार्टअटॅक, ब्लडप्रेशर आणि डायबेटीस यासारख्या आजाराला निमंत्रण देऊ शकते. हा दावा काही आमचा नाही तर डॉक्टरांचे म्हणणे आहे. पुरेशा झोपेअभावी माणसाला अनेक व्याधी जडतात. तेव्हा पुरेशी झोप महत्त्वाची आहे. तुम्हाला जर झोपेत घोरण्याची सवय असेल तर वेळीच तज्ज्ञ डॉक्टरांकडे जाऊन उपचार घेणे गरजेचे आहे. बदलत्या जीवनशैलीमुळे घोरण्याचे प्रमाण वाढत आहे.

झोपेत घोरणारी व्यक्ती बघितली की, किती शांत झोपलाय अशी सहज प्रतिक्रिया येते. मात्र, ही शांत झोप नसून ती काळ झोप असल्याचे डॉक्टरांचे म्हणणे आहे. हे घोरणं आरोग्याला घातक आहे. झोपेत घोरत असताना घोरणाऱ्या व्यक्तीचे कंठ बंद होऊन शरीरात ऑक्सिजनचे प्रमाण कमी होते. त्यामुळे घोरणाऱ्या व्यक्तीला डायबेटीस, ब्लड प्रेशर आणि हार्टअटॅकसारखे आजार होऊ शकतात.

अधिक वाचा - ‘मुलांनो, आम्हाला माफ करा; आमचे मृतदेह मेडिकल कॉलेजला दान करा’ अशी चिठ्ठी लिहून दाम्पत्याची आत्महत्या

प्रत्येक मणुष्य आपल्या आयुष्याचा एक तृतीअंश भाग झोपेत घालवतो. अशातच बदललेल्या जीवन शैलीमुळे चार दशकांत निद्रा नाशाचे प्रमाण वाढले आहे. पुरेशा झोपेअभावी अनेकांना शारीरिक व्याधी होत आहे.

रात्री उशिरापर्यंत अभ्यास करून सकाळी लवकर शाळेत जाणाऱ्या विद्यार्थ्यांची पुरेशी झोप होत नाही. त्याचेही दुष्परीणाम आता समोर आले आहेत. निद्रा नाश, अपुरी झोप हे अनेक रोगांना आमंत्रण देत आहे. त्यावर वेळीच उपाय करण्याची आवश्यकता आहे.

लक्षणे

• घोरण्यामुळे श्वास रोखला जातो
• दचकून जाग येते, पुन्हा वेगात श्वास सुरू होतो, या क्रियेत श्वसनमार्गावर भार येतो
• झोपेतून उठल्यानंतर चिडचिड, अस्वस्थता, डोकेदुखी सुरू होणे
• एकाग्रता कमी होणे, सतत लक्ष विचलित होणे
• मूडस्मध्ये बदल होत राहणे, उदास, चिडचिडे व कंटाळवाणे वाटणे
• झोपेतून वारंवार लघवीसाठी जाण्याची इच्छा होणे
• सतत वाईट स्वप्ने पडणे

जाणून घ्या - जेवणासाठी बाहेर गेलेल्या मुलाची २८ दिवासांनी फक्त मिळाली कवटी; टी-शर्ट बघताच आईने फोडला हंबरडा
 

हा विकार होण्यास प्रामुख्याने ही आहेत कारणे

• अनियंत्रित वाढलेले वजन
• आनुवांशिकता
• महिलांपेक्षा पुरुषांमध्ये हे प्रमाण अधिक
• साठी उलटून गेल्यानंतर निद्राश्वसनरोध होण्याची शक्यता अधिक असते
• पुरुषांमध्ये १७ इंचाहून अधिक तर स्त्रियांमध्ये १६ इंचाहून अधिक लठ्ठ असणारी मान
• अतिधूम्रपान

अननस, केळी आणि संत्रे खा

तुम्हाला घोरण्याची समस्या असेल तर अननस, केळी आणि संत्रे खा. चांगली झोप शरीरात मेलाटोनिनचे प्रमाण वाढवते. मेलाटोनिन खरं तर एक संप्रेरक आहे. ज्यामुळे आपल्याला झोप येते. अशा परिस्थितीत आपण जास्त प्रमाणात मेलाटोनिन असलेले पदार्थ खावे. ते अननस, केळी आणि संत्रामध्ये भरपूर प्रमाणात असते. त्यांचा वापर करून घोरणे रोखता येऊ शकते.

वजन कमी करणे महत्वाचे आहे

घोरणे सहसा गंभीर नसते. ते आपण जीवनशैलीमध्ये थोडा बदल करून दूर करू शकतो. वजन कमी होणे घोरण्याच्या अनेक कारणांपैकी एक आहे. जर आपण आपल्या आयुष्यात निरोगी अन्नासह नियमित वर्कआउटचा समावेश केला तर ते वजन कमी करेल आणि स्नॉरिंग टाळण्यास मदत करेल.

जाणून घ्या - सतत थकवा जाणवतो, काम करण्याची इच्छा होत नाही; आयुर्वेदात आहे तुमच्या प्रश्नांची उत्तरे

अद्रक आणि मधाचा चहा

अद्रक हे दाहक आणि बॅक्टेरीयाच्या वाढीस प्रतिबंध करणारा पदार्थ म्हणून कार्य करते. याचे सेवन केल्यास घोरण्यापासून आराम मिळते. हे एक सामान्य घरगुती उपाय आहे. जे अपचन आणि खोकला यासारख्या अनेक आरोग्यविषयक समस्यांवर उपचार करू शकते. जर आपल्याला घोरण्याची सवय असेल तर दिवसातून दोनदा अद्रक आणि मधाचा चहा घ्या. याने चांगले परिणाम दिसून येतील.

(टीप - वरील लेखात देण्यात आलेली माहिती ही सर्वसामान्य माहितीच्या आधारावर आहे. याबाबत अधिक माहितीसाठी तज्ज्ञांचा सल्ला घ्यावा)