शरीर मजबूत ठेवण्यासाठी रोगप्रतिकारशक्ती चांगली असावी लागते. शरीराच्या विकासासाठी ज्याप्रमाणे जीवनसत्त्वे आवश्यक असतात त्याचप्रमाणे व्हिटॅमिन-डीचीही गरज असते. जर शरीरात व्हिटॅमिन डीची कमतरता असेल तर वाढत्या वयाबरोबर हाडांवर परिणाम होण्याची शक्यता असते. त्यामुळे सर्वांनाच व्हिटॅमिन डीची गरज आहे. पण काही लोकांना त्याची गरज जास्त असते. या लोकांनी उन घेण्याबरोबरच व्हिटॅमिन डीच्या गोळ्या खाणे गरजेचे असते. त्यामुळे या लोकांनी व्हिटॅमिन डी खाणे गरजेचे आहे.

या चार लोकांनी काळजी घेणे गरजेचे

नॉनव्हेज जास्त खाणारे- जे लोकं मांसाहार करतात त्यांच्यात व्हिटॅमिन डीची ची कमतरता असू शकते. महत्वाचं म्हणजे मांसाहारात उच्च प्रथिनं असतात. पण व्हिटॅमिन डीसाठी भाज्या फळे, आणि शरीराला उन मिळणे गरजेचे असते.

ऑफिसला जाणारे- ऑफिसला जाणाऱ्या लोकांमध्ये व्हिटॅमिन डी ची कमतरता आढळते. ऑफिसला जाणाऱ्यांना सूर्यप्रकाशात बराच वेळ बसण्यासाठी वेळ मिळत नाही, त्यामुळे डेस्क जॉब करणाऱ्यांपैकी बहुतेक लोकांमध्ये व्हिटॅमिन डीची कमतरता आढळते.

50 वर्षांपेक्षा जास्त वयोगटाचे लोक- 50 वर्षांपेक्षा जास्त वयाच्या व्यक्तींमध्येही व्हिटॅमिन-डीची कमतरता असू शकते. असे झाल्यास या व्यक्तींमध्ये चिडचिड, निद्रानाश, तणाव, एकटेपणा किंवा सांधेदुखी यांसारख्या समस्या निर्माण होतात.

निमगोरे लोक- निमगोऱ्या लोकांच्या त्वचेतील पहिल्या थराच्या एपिडर्मलमध्ये मेलेनिन जास्त असते. त्यामुळे अशा लोकांना जास्त प्रमाणात व्हिटॅमिन डीची गरज असते.