मुंबई : मुंबईत कोरोनाचा चढउतार सुरू असून शुक्रवारी दिवसभरात १३२ नव्या रुग्णांची नोंद झाली. त्यामुळे मुंबईतील एकूण बाधितांची संख्या ११ लाख ५१ हजार ४० वर पोहोचली आहे; तर दिवसभरात एकाही मृत्यूची नोंद झालेली नाही. त्यामुळे मृतांची संख्या १९ हजार ७३४ वर स्थिर आहे. दरम्यान, दिवसभरात ११५ रुग्णांनी कोरोनावर मात केल्याने आतापर्यंत ११ लाख ३० हजार ५१४ रुग्णांनी कोरोनाला हरवले आहे. त्यामुळे मुंबईत सध्या ७९२ सक्रिय रुग्ण आहेत.