Buttermilk : उन्हाळा आला की जेवणात आणि असेही ताक घेण्याचे प्रमाण वाढते. ताक पिण्यासही थंड असते आणि शरीरासाठी आतूनही थंड असते. त्यामुळे बहुतांश लोक उन्हाळ्यात ताक पितात. मात्र घरी ताक बनवताना तुम्हीही त्यात मीठ घालता का? तुम्ही असे करत असाल तर वेळीच थांबा.

उन्हाळ्यात ताक पिण्याचा आनंद वेगळाच असतो. हे पेय पोटासाठी खूप फायदेशीर आहे, तसेच आरोग्याच्या अनेक समस्यांपासून आराम देते. भारतात अनेक ठिकाणी याला मठ्ठा असेही म्हणतात. बहुतेक लोकांना मीठ मिसळलेले ताक पिणे आवडते, परंतु ही एक मोठी चूक ठरू शकते.

ताक पिण्याचे फायदे

हे पेय दह्यापासून बनवले जाते. त्यात व्हिटॅमिन ए, व्हिटॅमिन डी, कॅल्शियम, पोटॅशियम, फॉस्फरस, रिबोफ्लेविन आणि प्रोबायोटिक्स असतात. ताक पिल्याने एनर्जी मिळते, तसेच पोटाच्या समस्या दूर होतात. ताक पिल्याने हाडेही मजबूत होतात.

पोषणतज्ञ किरण कुकरेजा यांच्या मते, मीठ मिसळून ताक पिणे आरोग्यासाठी हानिकारक आहे. त्याचा वाईट परिणाम थेट पोटावर होतो. त्यामुळे मीठाऐवजी ताक इतर गोष्टींमध्ये मिसळून प्यावे.

ताकात हेल्दी बॅक्टेरिया असतात. जे नियंत्रित मात्रेत शरीराला फायदेशीर ठरतात. मात ताकात मीठ घातल्याने त्याचा परिणाम कमी कमी होऊ लागतो. त्याला प्रोबायोटिक्स असेही म्हणतात. त्यामुळे ताकात मीठ घातल्याने प्रोबायोटिक्सचा प्रभाव कमी कमी होऊ लागतो. (Summer)

पोषणतज्ञांच्या मते, ताकात मीठ घातल्याने हेल्दी बॅक्टेरियामध्ये धोकादायक वातावरण निर्णाण होते. ज्यामुळे प्रोबायोटिक्स निकामी होतात. यामुळे तुमचे बॉडी सेल्सही निकामी होऊ शकतात. (Health)

मीठाऐवजी ताकात हे पदार्थ मिक्स करून प्या

जीऱ्याची पूड

पुदिन्याच्या पानांचं पावडर

धणे पावडर

डिस्क्लेमर - वरील लेख सामान्य माहितीवर आधारलेला असून अधिक माहितीसाठी तज्ज्ञांचा सल्ला घ्यावा.