उन्हाळा आता सुरू झाला आहे. त्यामुळे आपण सर्वच जण शरीर हायड्रेट ठेवण्यासाठी भरपूर पाणी पितो. जेव्हा शरीरात पाणी जास्त असतं, तेव्हा वारंवार लघवीला लागते. पण काही जणांना कमी पाणी पिऊनही वारंवार लघवीला जावं लागतं. ते कशामुळे?

उन्हाळ्यामध्ये दिवसात ५ ते ८ वेळा लघवीला जाणे हे सामान्य आहे. पण जर पाणी कमी पिऊनही तुम्हाला वारंवार लघवीला होत असेल तर ही चिंतेची बाब आहे. असं का होतं?या मागची कारणं काय आहेत? जाणून घ्या...

यूटीआय - युरिनरी ट्रॅक इन्फेक्शन

ब्लॅडरला सूज आल्याने हे इन्फेक्शन होतं. त्यामुळे वारंवार लघवीला जावं लागतं. कारण ब्लॅडर लघवी साठवून ठेवू शकत नाही.

डाय़बेटिस

जर तुम्ही कमी पाणी पित असाल आणि तरीही तुम्हाला वारंवार लघवीला जावं लागू शकतं. याचं कारण डायबेटिस असू शकतं. टाईप टू डायबेटिस असलेल्या रुग्णांमध्ये हे लक्षण दिसतं. तुम्हालाही हे लक्षण दिसत असेल, तर त्वरीत रुग्णांचा सल्ला घ्या.

जर तुम्हाला पाणी पिल्याशिवाय वारंवार लघवीला जावं लागत असेल तर तुमचं युरिनरी ब्लॅडर जास्त सक्रिय असू शकतं. जेव्हा ब्लॅडरची लघवी साठवून ठेवण्याची क्षमता कमी होते, किंवा दबाव येतो, तेव्हा लघवीला जावं लागतं.

किडनी इन्फेक्शन

वारंवार लघवीला जावं लागत असेल तर तुम्हाला किडनी इन्फेक्शन झालेलं असू शकतं. असं जर होत असेल, तर त्वरीत डॉक्टरांकडे जाऊन तपासणी करून घ्या. जेव्हा किडनीचे फिल्टर खराब होतात, तेव्हा लघवी करण्याचं प्रमाण वाढतं.

प्रोस्टेट

जर पुरुषांना वारंवार लघवीला जावं लागत असेल, तर याचं कारण प्रोस्टेट ग्रंथी वाढणं हेही असू शकतं. प्रोस्टेट ग्रंथी ब्लॅडरच्या खालच्या भागात असते. ही ग्रंथी आयुष्यभर वाढत असते. पण जेव्हा ती प्रमाणापेक्षा वाढते, तेव्हा मूत्रमार्गावर दबाव येऊ शकतो.