छातीमध्ये वेदना व्हायला लागल्या की आता हृदयविकाराचा झटका येतो की काय म्हणून घबराट निर्माण होते . पण डॉक्टरांचे वारंवार असे सांगणे आहे की छाती दुखणे म्हणजे हृदयविकारच होणे असे समजण्याचे काही कारण नाही .

इतरही कारणाने छाती दुखू शकते. पित्त वाढल्याने सुध्दा छाती दुखते . ही छाती दुखणे म्हणजे वेदना नसतात . तर छातीत जळजळ करायला लागते . पोटातील आम्ल उलट्या दिशेने वर सरकायला लागते आणि ते छातीपर्यंत येऊन छातीत जळजळ व्हायला लागते. अशा वेळी छातीत होणाऱ्या वेदना म्हणजे हृदयविकार नव्हे . त्यांना घाबरण्याचे काही कारण नाही . (chest pain causes heart attack)

आपल्या क्षमतेपेक्षा अधिक वजन उचलण्याचा प्रयत्न केला तरीही छातीत वेदना होतात . या वेदना स्नायूला होत असतात . कारण वजन उचलण्याचा ताण स्नायूवर आलेला असतो . हृदयाचेही दुसरे काही विकार असतात. हृदयाचा प्रत्येक विकार म्हणजे नव्हे तेव्हा हृदयविकाराला सोडून हृदयाची इतर दुखणी होतात तेव्हाही छाती दुखू शकते.

न्युमोनिया झाल्यानंतरसुध्दा छातीत वेदना होऊ शकतात . हा विकार सर्दीबरोबरच यकृतात जंतू संसर्ग झाल्यामुळे होतो आणि त्यामुळे छातीत वेदना होऊ शकतात .

न्युमोनियामध्ये कफ , ताप आणि खोकला एकदम होतो आणि छाती दुखते . जास्त दगदग झाल्यानेसुध्दा छातीत दुखू शकते . त्यामुळे वरील कारणाने होणाऱ्या छातीतल्या वेदना आणि हृदयविकाराच्या झटक्याच्या वेळी होणाऱ्या वेदना यातला फरक लक्षात घेतला पाहिजे .

हृदयविकाराचा झटका येतो तेव्हा होणाऱ्या छातीतल्या वेदना वेगळ्या असतात . अशावेळी छाती वरवर दुखत नाही . तर आतून प्रचंड वेदना होतात . त्या वेदनांचा त्रास घसा , हाताचे दंड आणि एवढेचे नव्हे तर जबड्यांनाही होतो . अशा वेळी काळजी घेणे गरजेचे असते.व लवकरात लवकर डॉक्टरांना दाखवावे.

डॉ. अमित बोरकर - आहारतज्ञ