Monsoon Remedies : मान्सून आला की डासांचा प्रादूर्भाव वाढतो. देशभरात सगळीकडेच जवळपास मान्सूनचे आगमन झाले आहे. सुमारे 3 महिने चालणारा हा ऋतू डास आणि माशांच्या उत्पत्तीसाठी पोषक असतो. या ऋतूमध्ये डास चावल्याने डेंग्यू, मलेरियासारखे घातक आजारही होतात, ज्यावर वेळीच उपचार न केल्यास रुग्णाचा मृत्यू होऊ शकतो.

तेव्हा वेळीच सावधगिरी बाळगणे फार महत्वाचे असते. आज आम्ही तुम्हाला अशाच 5 घरगुती औषधी बनवण्याच्या उपायांबद्दल सांगणार आहोत, ज्यापासून तुम्ही घरीच औषधी बनवू शकता.

कडूलिंबाची पानं

डेंग्यू मलेरियावर घरगुती उपचार करण्यासाठी कडुलिंबाच्या पानांचे सेवन करावे. या पानांमध्ये विषाणू आणि जीवाणू मारण्याची शक्ती असते. या पानांच्या सेवनाने मलेरिया, अति ताप, डेंग्यू, फ्लू असे अनेक आजार बरे होतात.

दालचिनीचा काढा

डेंग्यू मलेरियाच्या रूग्णाला दालचिनीचा काढा देणे हा आयुर्वेदात तापावर उत्तम औषध मानले जाते. जर तुम्हाला हा काढा कडू वाटत असेल तर तुम्ही त्यात मध घालून तो पिऊ शकता.

आल्याचा रस

आयुर्वेद तज्ञांच्या मते, जास्त ताप आल्यास तुम्ही आल्याचा रस देखील पिऊ शकता. डेंग्यू मलेरियावर हा उत्तम घरगुती उपचार आहे. यामध्ये अँटी-इंफ्लेमेटरी आणि अँटी-बॅक्टेरियल गुणधर्म आढळतात. हे प्यायल्याने शरीराची रोगप्रतिकारक शक्ती तर वाढतेच शिवाय ताप आणणारे विषाणूही संपतात.

गिलोयचा काढा

डेंग्यू मलेरियापासून बचाव करण्यासाठी गिलॉयच्या काढ्याचे सेवन तुम्ही करू शकता. यात अँटी-पायरेटिक आणि अँटी-इंफ्लेमेटरी गुणधर्म देखील आहेत. त्यामुळे डेंग्यू-मलेरियाच्या बाबतीत ते खूप फायदेशीर ठरते. याच्या वापराने वारंवार ताप येत नाही. (Dengue)

तुळशीच्या पानांचा रस

तुळशीला आयुर्वेदिक गुणधर्मांची खाण म्हणतात. त्याच्या पानांमध्ये डायफोरेटिक आणि अँटीपायरेटिक गुणधर्म असतात. याच्या पानांचे सेवन केल्याने शरीरातील घाम वेगाने बाहेर पडतो, त्यामुळे शरीराचे वाढलेले तापमान कमी होऊन ताप कमी होतो.