आजकालच्या पिढीतील लोकांनी थोड काम केलं तरी त्यांना थकायला होतं, ही मोठी समस्या बनली आहे. कारण, सर्वकाही जागेवर बसून हवं असतं, त्यामुळं शारीरिक हालचाली मंदावल्या आहेत. त्यामुळे शारीरिक व्याधींचे घरच आपले शरीर बनले आहे.
ऑफिसमध्ये काम करणारे लोक दिवसभर बसून असतात. जर कोणी घरून काम करत असेल तर तो बराच वेळ घरी बसून असतो. कोणी कामावर जात नसेल तर तो घरी फोन किंवा टीव्हीसमोर घेऊन बसलेला असतो.
पण तुम्हाला माहित आहे का, तासंतास बसून राहण्याने शरीरावर अनेक घातक परिणाम होतात. त्यापैकी एक म्हणजे डेड बट सिंड्रोम (डीबीएस) किंवा ग्लूटीअल ऍम्नेशिया होय.
हा आजार थेट तुमच्या नितंंबांच्या स्नायूंवर परिणाम करतो. यामुळे तुमच्या शरीराची रचना आणि मुद्रा यांच्याशी संबंधित समस्या उद्भवू शकतात. हा आजार कशामुळे होतो, त्याची लक्षणे, कारणे आणि उपाय याबद्दल जाणून घेऊयात.
जेव्हा शरीरातील ग्लूटील स्नायू कमकुवत होतात, दीर्घकाळ बसून राहिल्यामुळे किंवा हालचालींच्या अभावामुळे योग्यरित्या कार्य करत नाहीत तेव्हा हा डेड बट सिंड्रोम हा आजार उद्भवतो. हे स्नायू तुमच्या कंबरेच्या खालील भागातील हालचाली सुरळीत करण्यास महत्वाचे ठरतात.
जेव्हा हे स्नायू सक्रिय नसतात तेव्हा ते त्यांचे कार्य योग्यरित्या करत नाहीत. ज्यामुळे शरीरात असंतुलन होऊ शकते. डेड बट सिंड्रोमचे मुख्य कारण म्हणजे बैठी जीवनशैली होय. दीर्घकाळ बसून राहिल्याने शरीरातील ग्लुट स्नायू कमकुवत होतात.
काही लोक काम करताना कसेही बसतात. त्यांच्या अव्यवस्थित बसण्याने शरीरावर दाब पडतो. खराब पोस्चरमध्ये बसल्याने पाठ आणि नितंबांवर दाब पडतो, ज्यामुळे ग्लूट्स आणखी कमकुवत होतात.
ग्लूट्सला लक्ष्य करणारे व्यायाम न केल्याने स्नायूंचा वापर असमतोल होऊ शकतो
एखादे कार्य करताना, किंवा व्यायाम करताना आपल्या ग्लूट्सऐवजी आपल्या हिप फ्लेक्सर्स आणि पाठीच्या खालच्या स्नायूंवर अधिक अवलंबून राहिल्याने असंतुलन होऊ शकते.
शरीराच्या खालील भागात वेदना होणं
नितंबामध्ये कडकपणा जाणवणे
नितंब सुन्न होणं
स्नायूंमध्ये अशक्तपणा येणं
एका जागी बसून राहण्याचे काम असेल तर थोड्या-थोड्यावेळानंतर ब्रेक घ्या. ऑफीसमध्येही दर 30 मिनिटांनी ब्रेक घेऊन सतत बसून राहणे टाळा. यामुळे रक्ताभिसरणाची प्रक्रिया सुधारते. आणि आपल्या स्नायूंना निष्क्रिय होण्यापासून प्रतिबंधित करते.
तुम्ही दररोज व्यायाम करायला हवा. विशेषत: तुमच्या ग्लुट्सला लक्ष्य करणाऱ्या व्यायामांचा समावेश करा, जसे की: ग्लूट ब्रिज, क्लॅमशेल्स, स्क्वॅट्स आणि लंग्ज, तुमचे हिप फ्लेक्सर्स स्ट्रेच करा, योग्य पोश्चर ठेवा, स्टँडिंग डेस्क वापरा.
बसताना तुमचा कोर आणि ग्लूट्स सक्रिय करण्यासाठी तुमची पाठ सरळ आणि तुमचे पाय जमिनीवर सपाट ठेवून बसण्यावर लक्ष केंद्रित करा.
आजकाल बाजारात तुम्ही उभे राहूनही काम करू शकता, असे डेस्क उपलब्ध आहेत. स्टँडिंग डेस्क किंवा ॲडजस्टेबल वर्कस्टेशन वापरण्याचा विचार करा जिथे तुम्हाला बसून आणि उभे राहूनही आरामात काम करता येईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.