Sex reduce Heart Attack death : लैंगिक संबंध आणि मन, भावनांचा संबंध असतो हा सगळ्यांनाच माहित आहे. पण लैंगिक संबंध हार्ट अटॅकने मृत्यू होण्याचे प्रमाणही कमी होते असं एका अभ्यासात समोर आलं आहे.

लैंगिक जीवनाबाबत वेगवेगळे रिसर्च सतत केले जातात, अशाच एका रिसर्चमधून समोर आलं आहे की, तुमचं लैंगिक जीवन आणि हार्ट अटॅक यात खोलवर संबंध आहे. जर तुमचं लैंगिक जीवन सुरळीत असेल तर तुम्हाला हार्ट अटॅक येऊन मृत्युचा धोका कमी राहतो.

लोकांचं लैंगिक जीवन आनंदी आहे किंवा सुरळीत सुरू आहे, त्यांना पहिल्या हार्ट अटॅकने मृत्यू येण्याचा धोका सिंगल आणि अविवाहित लोकांपेक्षा कमी असतो, असे निदर्शनास आले आहे. या रिसर्चमध्ये अभ्यासकांनी ११२० पुरूष आणि महिलांना सहभागी करू घेतले होते. यातील लोकांना ६५ वयात किंवा त्यापेक्षा कमी वयात पहिला हार्ट अटॅक आला होता. हे संशोधन २२ वर्ष चालले होते.

हेल्दी राहतात सेक्शुअली ॲक्टिव लोक

शारीरिक संबंध आणि जिवंत राहण्याची शक्यता याचं कनेक्शन त्या लोकांसाठी अधिक स्ट्रॉंग होता, ज्यांचं लैंगिक जीवन हार्ट अटॅकनंतरही खूप ॲक्टिव होतं.

हाय बीपी, कोलेस्ट्रॉल आणि डायबिटीसचा धोका

जे लोक सेक्शुअली ॲक्टिव नव्हते म्हणजे ज्यांनी शारीरिक संबंध ठेवणे बंद केले होते. त्यांच्यात हार्ट अटॅक येण्याच्या १ वर्षाआधी हाय ब्लड प्रेशर, हाय कोलेस्ट्रॉल, डायबिटीससहीत अनेक आजार आणि समस्या आढळल्यात. या समस्या आठवड्यातून कमीत कमी एकदा शारीरिक संबंध ठेवणाऱ्यांमध्ये कमी आढळल्या.