World Hepatitis Day 2024 : हिपॅटायटीस हा यकृताशी संबंधित एक गंभीर आजार आहे. जगभरातील लाखो रूग्ण या आजाराला बळी पडतात. या आजाराबद्दल लोकांमध्ये जागरूकता निर्माण करण्यासाठी आणि या आजारावरील उपचारांची माहिती लोकांपर्यंत पोहोचावी या उद्देशाने दरवर्षी २८ जुलै हा दिवस ‘जागतिक हिपॅटायटीस दिन’ म्हणून साजरा केला जातो.
जागतिक आरोग्य संघटनेनुसार (WHO) जगभरातील अंदाजे ३३४ दशलक्ष लोक हिपॅटायटीस या आजारामुळे प्रभावित आहेत. या आजारामुळे यकृत कमकुवत होते. यकृत कमकुवत झाले की, त्याचा परिणाम पचनसंस्थेवरही होतो.
तज्ज्ञांच्या मते, या आजाराची लागण झालेल्या व्यक्तींनी खाण्यापिण्याच्या सवयींबाबत विशेष काळजी घेतली पाहिजे. उपचारांसोबतच तुम्ही आहाराची काय काळजी घ्यायची? आणि आहारात कोणत्या खाद्यपदार्थांचा समावेश करायचा? याबद्दल आज आपण जाणून घेणार आहोत.
गहू, तांदूळ, बाजरी, ज्वारी, नाचणी इत्यादी प्रकारच्या धान्यांचा समावेश आहारात अवश्य करा. कारण, या धान्यांमध्ये पोषकघटकांचे विपुल प्रमाण आढळते. या संपूर्ण धान्यांचा आहारात समावेश केल्याने शरीराला प्रथिनांचा योग्य पुरवठा होऊ शकेल. त्यामुळए, शरीरातील स्नायू मजबूत होतील आणि स्नायूंची क्षमता टिकवून ठेवण्यास मदत होऊ शकेल.
ताजी फळे आणि हिरव्या पालेभाज्यांमध्ये जीवनसत्वे, कॅल्शिअम आणि इतर पोषकघटकांचे भरपूर प्रमाण आढळते. त्यामुळे, ताज्या फळांचा आणि हिरव्या पालेभाज्यांचा आहारात अवश्य समावेश करा. खास करून फायबर, फोलेट, व्हिटॅमिन ए, सी, बी 6 आणि पोटॅशिअमने समृद्ध असलेली फळे आणि हिरव्या पालेभाज्या खाण्याचा प्रयत्न करा.
टोमॅटो, दूध, शिमला मिरची, पालक, ब्रोकोली, भोपळा, स्ट्रॉबेरी, काळे मनुके, केळी, खजूर आणि दही इत्यादी खाद्यपदार्थांचा आहारात समावेश करा.
हिपॅटायटीसच्या रूग्णांनी आहारात प्रथिनांचा समावेश करणे अतिशय महत्वाचे आहे. जर तुम्हाला सिरोसिसची समस्या असेल तर तुम्ही प्रथिनांचे विपुल प्रमाण असलेल्या खाद्यपदार्थांचा आहारात समावेश करायला हवा. यासाठी तुम्ही दूध, दही आणि चीज यांसारख्या दुग्धजन्य खाद्यपदार्थांचा आहारात समावेश करा.
डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.