विजयाचे चौकार माराल

मेष : बुध-शुक्र युतियोगाची पार्श्वभूमी सप्ताहावर पूर्णपणे अंमल करेल. तरुणांना शिक्षण, नोकरी आणि विवाह या त्रिघटकांतून उत्तमोत्तम संधी येतील. अश्विनी नक्षत्राच्या व्यक्तींचे विजयी चौकार-षटकार पाहायला मिळतील. ता. ६ आणि ७ हे दिवस आपल्या राशीस एकूणच उत्तम पॅकेजचे आहेत. भरणी नक्षत्राच्या व्यक्तींना नागपंचमीजवळ धनाचा लाभ होईल. नोकरीत मानांकन आणि पगारवाढीची शक्यता.

मानसन्मान मिळतील

वृषभ : बुध-शुक्र युतियोगाचे पॅकेज रोहिणी नक्षत्राच्या व्यक्ती अतिशय चांगलेच उपभोगतील. नूतन वास्तू प्रवेश होतील. ता. ६ व ८ हे दिवस मोठी रंगीबेरंगी फळे देतील. काहींचे वैवाहिक जीवन या श्रावणमासी चांगलेच बहरेल. कृत्तिका नक्षत्राच्या व्यक्तींची सप्ताहाची सुरुवात विशिष्ट मानसन्मान घडवेल. मृग नक्षत्राच्या व्यक्तींना बुधवार, गुरुवार जीवनाचा मोठा कानमंत्र देणारे. एखादा गॉडफादर भेटेल.

प्रेमातले अडथळे दूर होतील

मिथुन : बुध-शुक्र युतियोगाचे पॅकेज आर्द्रा नक्षत्राच्या व्यक्तींसाठी जनसंपर्कातून खेचून घेतील. मुलाखतींमधून छाप पाडाल. मृग नक्षत्राच्या व्यक्तींना परदेशी जाण्याचा व्हिसा मिळेल. प्रेमप्रकरणातील खलनायक दूर होतील. पुनर्वसु नक्षत्राच्या व्यक्तींना उत्तम प्रवासयोग येतील. सप्ताहाचा शेवट अर्थातच शुक्रवार आणि शनिवार व्यावसायिक उत्सव समारंभातून झगमगाट करेल.

चांगली नोकरी मिळेल

कर्क : सप्ताहातील श्रावणसरी घरातील मानसिक पर्यावरण उत्तम ठेवतील. घरात देवदेवतांचा वावर जाणवेल. पुष्य नक्षत्राच्या व्यक्तींना विशिष्ट दृष्टान्त होतील. संपूर्ण सप्ताहात एक भावसुगंध दरवळत राहील. घरात तरुणांची कार्ये ठरतील. काहींना उत्तम नोकरीचा लाभ होईल. आश्लेषा नक्षत्राच्या व्यक्तींना नागपंचमी व्यावसायिक लॉटरीतून साजरी होईल. जीवनातला एक अमोल ठेवा मिळेल.

मोठे कर्तृत्व गाजवाल

सिंह : सप्ताहात बुध आणि बृहस्पती यांच्या पाठबळातून मोठे कर्तृत्व गाजवाल. मघा नक्षत्राच्या व्यक्तींना राजकीय लाभ होतील. ता. ६ व ८ हे दिवस खरोखरच श्रावणमासी हर्षमानसी अशा स्वरूपातच चांगले आहेत. घरातला ताणतणाव संपेल. पूर्वा नक्षत्राच्या व्यक्तींना सप्ताहाचा शेवट कला, छंद वा इतर बौद्धिक उपक्रमातून मोठ्या प्रसिद्धीचा. नोकरीत योग्य ठिकाणी बदली होईल. उत्तरा नक्षत्राच्या व्यक्तींना शनिवार सहली करमणुकीचा.

नव्या ओळखीतून लाभ होतील

कन्या : बुध-शुक्र युतियोगाचे पॅकेज गुप्तपणे अंमल करेल. न बोलता विशिष्ट महत्त्वाची कामे होतील. उत्तरा नक्षत्राच्या व्यक्तींना नव्या ओळखीतून लाभ होतील. व्यावसायिक वसुली होईल. हस्त नक्षत्राच्या व्यक्तींना घरातील सुवार्तांच्या पार्श्वभूमीवर श्रावणाचा पहिला आठवडा निश्चितच सुगंधित करणारा. चित्रा नक्षत्राच्या व्यक्तींना सप्ताहाचा शेवट उंची खरेदीचा. मित्रांकडून मोठे लाभ.

कलाकारांचा सूर लागेल

तूळ : सप्ताहातील बुध-शुक्र युतियोगाच्या पार्श्वभूमीवर जनसंपर्कातून मोठी कामे होतील. विवाहेच्छूंना सप्ताह अतिशय कनेक्टिव्हिटीचाच. ता. ६ आणि ७ हे दिवस मोठे प्युअर सीक्वेन्स लावतील. स्वाती नक्षत्राच्या व्यक्तींना मोठे परिस्थितीजन्य लाभ होतील. ता. ६ चा मंगळवार कलाकारांचा सूर जमवणारा. विशाखा नक्षत्राच्या व्यक्तींना शनिवार सहली करमणुकीचा अलौकिक आनंद देईल. गुरुवार गुरू प्रचितीचा असेल.

शत्रूवर विजय मिळवाल

वृश्चिक : जीवनातील एक अलौकिक आनंद घेणार आहातच. शिवाय आपला बँक बॅलन्सही चांगलाच वाढणार आहे. अनुराधा नक्षत्राच्या व्यक्ती सतत सुवार्तांच्या माध्यमातून फ्लॅशन्यूज देतील. सप्ताहातील स्थिरता त्याजवळची ग्रहांची भ्रमणं नक्षत्रलोकांतून छप्पर फाड के लाभ देतील. गुरुवार आणि शुक्रवार हे दिवस बहार बन के येतील. ज्येष्ठा नक्षत्राच्या व्यक्तींना सप्ताहाचा शेवट शत्रूवर विजय मिळवून देईल.

नोकरीतले संकट जाईल

धनू : सप्ताहातील ग्रहयोग नक्षत्रलोकांतून लाभ देणारे. अर्थातच ग्रहयोगांचं तारात्मक फळ मिळणार आहे. मूळ नक्षत्राच्या व्यक्तींची तपस्या पूर्ण होईल. सरकारी माध्यमातून लाभ होतील. ता. ६ ते ९ हे दिवस आत्मविश्वास वाढवतील. नोकरीतील एखादे लागलेले ग्रहण जाईल. पूर्वाषाढा नक्षत्राच्या व्यक्तींना वास्तुयोग. उत्तराषाढा नक्षत्राच्या व्यक्तींना ता. ९ व १० हे दिवस व्यावसायिक उत्सव प्रदर्शनातून लाभ देणारे. कलाकारांचे मोठे भाग्योदय.

नोकरीच्या मुलाखतीत यश लाभेल

मकर : आजची अमावस्या संमिश्र फलदायी होऊ शकते. वेंधळेपणापासून सावध राहा, सार्वजनिक ठिकाणी सांभाळा. बाकी ता. ८ ते ९ हे दिवस शुभग्रहांचे जबरदस्त पाठबळ देतील. तरुणांच्या नोकरीविषयक मुलाखती यशस्वी होतील. व्यावसायिकांना विशिष्ट कोर्टप्रकरणातून यश मिळेल. श्रवण नक्षत्राच्या व्यक्तींना मित्रमंडळींकडून लाभ होतील. एखादी शैक्षणिक चिंता जाईल. धनिष्ठा नक्षत्राच्या व्यक्तींना शनिवार सहकुटुंब सहली करमणुकीचा.

होतकरू तरुणांचे भाग्य खुलेल

कुंभ : श्रावण महिन्याचा पहिला आठवडा मोठा प्रसन्नच राहील. स्वतंत्र व्यावसायिकांचा आर्थिक ओघ चांगलाच वाढेल. होतकरू तरुणांचे भाग्य खुलेल. ता. ६ व ७ हे दिवस वैयक्तिक सुवार्तांतून साजरे कराल. शततारका नक्षत्राच्या व्यक्तींना वास्तुयोग आहेत. काहींना सरकारी लाभ होतील. नवपरिणितांना अपत्ययोग आहे. धनिष्ठा नक्षत्राच्या व्यक्तींना आजची अमावस्या चोरी नुकसानीची. पूर्वा-भाद्रपदा नक्षत्राच्या व्यक्तींना अमावस्या प्रवासात जपण्याची.

जुन्या गुंतवणुकीतून लाभ होईल

मीन : अमावस्येने सुरू होणारा सप्ताह अन्नपाण्यातील संसर्गापासून जपण्याचा. गर्भवतींनी पथ्ये पाळावीत. बाकी सप्ताहातील ग्रहयोग शुभग्रहांची रसद पुरवतीलच. काहींना राजकीय व्यक्तींकडून लाभ होतील. ता. ८ व ९ हे दिवस उत्तराभाद्रपदा नक्षत्राच्या व्यक्तींना व्यावसायिक मोठे लाभ देतील. काहींना जुन्या गुंतवणुकीतून लाभ देणारे. रेवती नक्षत्राच्या व्यक्तींना नागपंचमीचा दिवस विशिष्ट अमोल ठेवा हस्तगत करून देईल.